Jambyl oblysynda aǧymdaǧy jyly mädeniet salasyna 11,9 mlrd. teŋge bölınıp, 14 nysannyŋ qūrylysy jäne 4 nysanǧa kürdelı jöndeu jūmystary jürgızılude. Nätijesınde jyl qorytyndysymen halyqtyŋ mädeni infraqūrylymmen qamtamasyz etu deŋgeiı 84,8 paiyzǧa jetetın bolady. Būl turaly Ortalyq kommunikasiialar qyzmetınde ötken baspasöz mäslihatynda Jambyl oblysynyŋ äkımı Nūrjan Nūrjıgıtov aitty, dep habarlaidy “Adyrna” ūlttyq portaly.
Sonymen qatar, oblys audandaryndaǧy mädeniet üilerıne qazırgı taŋda qosymşa 94 ştat berılıp, 143 üiırme aşyldy.
Jalpy, 2027 jylǧa qarai oblystaǧy 34 eldı mekenge mädeniet üiın salyp, öŋırdegı mädeniet nysandarynyŋ qajettılıgın 100 paiyzǧa jetkızu közdelude.
Oblys äkımı jastar saiasatynyŋ jüzege asu barysyna toqtalyp, aǧymdaǧy jyldyŋ alǧaşqy tört aiynda öŋırdegı 10022 jas jūmyspen qamtudyŋ belsendı şaralaryna tartylsa, «Auyl amanaty» jobasy aiasynda 344 jas 2,5 paiyzben jeŋıldetılgen nesie alǧanyn jetkızdı.
- Käsıpkerlık bastamalaryn qoldau üşın 347 jasqa 1 milliard 735 million teŋge jeŋıldetılgen tärtıppen jyldyq ösımı 2,5 paiyzdyq şaǧyn nesie berılude. Qazırgı taŋda jalpy 616,1 million teŋgege 134 joba maqūldanǧan. Sonymen qatar, «Jasyl el» eŋbek jasaǧyna 136,2 million teŋge bölınıp, 1900 jūmyssyz, uaqytşa bos jürgen NEET sanatyndaǧy jastardy mausymdyq jūmystarǧa tartu közdelude,-dedı Nūrjan Nūrjıgıtov.
Jambyl öŋırınıŋ bır erekşelıgı retınde – IýNESKO-nyŋ tızımıne engen tarihi oryndary köp, tabiǧaty bai aimaq ekendıgın atap ötken oblys basşysy oblystyŋ turizm salasyna da toqtalyp öttı.
Aita keteiık, ötken jyly Taraz qalasy düniejüzılık qolönerşıler qalalarynyŋ tızımıne enıp, Qazaqstannyŋ alǧaşqy qolönerşıler qalasy statusyna ie bolǧan bolatyn.
Qazırgı taŋda öŋırdıŋ turizm salasynda 7,4 mlrd.teŋgege 6 investisiialyq jobalar ıske asyryluda. Aǧymdaǧy jyly 1,2 mlrd. teŋgege «Almaly» demalys ortalyǧy jäne «Koksai resort» demalys aimaqtary ıske qosyldy.
Aimaq bamsşysy öz sözınde oblys ortalyǧy – Taraz qalasynda atqarylyp jatqan jūmystardy qysqaşa baiandady.
-Bız imidjdık jobalardan bas tartyp, bar küşımızdı äleumettık mäselelerdı şeşuge jūmsap otyrmyz. Bügınde qaladaǧy 2 köşenı qaita jaŋǧyrtu, 118 köşenı ortaşa jöndeuden ötkızu, qalanyŋ barlyq irrigasiia jüielerın qalpyna keltıru, 7 tūrǧyn alqapta auyz su qūbyrynyŋ qūrylysy jäne 2 temır jol ötkelın saluǧa smetalyq qūjattar äzırleu siiaqty auqymdy jobalar ıske asuda,-dedı Nūrjan Nūrjıgıtov.
