Qazaqstan Prezıdenti Qasym-Jomart Toqaev Eýrazııalyq ekonomıkalyq forýmynda Reseı men Belarýs odaqtastyǵy týraly sóz qozǵap, tipti eki eldiń ıadrolyq qarýy da ortaq ekenin atap ótken edi. Bul máselege qatysty Belarýs basshysy Aleksandr Lýkashenko pikir bildirdi, dep habarlaıdy «Adyrna» tilshisi.
«Iadrolyq qarý týraly áńgimeni, shyny kerek, akýstıkanyń kesirinen durys estı almadym. Sol kezde Vladımır Vladımırovıch (Reseı prezıdenti — red.) reseılik strategııalyq emes ıadrolyq qarý túrlerin Belarýs aýmaǵynda ornalastyrý týraly sheshim qabyldanǵanyn málimdedi. Men raqmetimdi aıttym»,—dedi ol.
Aıta keteıik, buǵan deıin eki eldiń qorǵanys mınıstri Sergeı Shoıgý men Vıktor Hrenın Mınskide Belarýs Respýblıkasynyń aýmaǵyndaǵy arnaıy qoımada reseılik strategııalyq emes ıadrolyq qarýdy ustaý tártibin anyqtaıtyn qujattarǵa qol qoıǵany habarlanǵan edi. Shoıgý Reseı men Belarýs júzege asyratyn sharalar barlyq qoldanystaǵy halyqaralyq-quqyqtyq mindettemege sáıkes keletinin atap ótti.
