Qazaqstanda koronavirusqa qatysty şekteuler resmi türde alynyp tastaldy, - dep habarlaidy "Adyrna" ūlttyq portaly. Būl turaly Densaulyq saqtau ministrlıgı mälımdedı.
"Düniejüzılık densaulyq saqtau ūiymynyŋ COVID-19 pandemiiasynyŋ aiaqtaluy, Qazaqstanda jäne älemde koronavirus infeksiiasy boiynşa epidemiologiialyq jaǧdaidyŋ tūraqtanuy turaly habarlauyna bailanysty, bılım beru ūiymdarynda, sondai-aq "Ashyq" jobasynda halyqtyŋ arasynda koronavirus infeksiiasyna qarsy küres jönındegı şekteu şaralaryn közdeitın Qazaqstan Respublikasy Bas memlekettık sanitariialyq därıgerınıŋ qaulylarynyŋ küşı joiyldy" delındı ministrlık saitynda.
Osylaişa, "Qazaqstan Respublikasynyŋ Bas memlekettık sanitariialyq därıgerınıŋ keibır qaulylarynyŋ küşın joiu turaly" Qazaqstan Respublikasynyŋ Bas memlekettık sanitariialyq därıgerınıŋ 2023 jylǧy 19 mamyrdaǧy №5 qaulysyna qol qoiyldy. Osy qaulynyŋ tolyq mätınımen Qazaqstan Respublikasy Densaulyq saqtau ministrlıgı Sanitariialyq-epidemiologiialyq baqylau komitetınıŋ saitynda tanysuǧa bolady.
"Sonymen qatar, COVID-19 koronavirus infeksiiasy joiylmaǧanyn habarlaimyz, virustyŋ taraluy jalǧasuda, bıraq aurudyŋ salystyrmaly türde jeŋıl aǧymyn eskere otyryp, keiınnen halyqtyŋ syrqattanuşylyǧyn baqylau basqa virustyq infeksiialarmen qatar tūraqty negızde jüzege asyrylatyn bolady" dep qosty Densaulyq saqtau ministrlıgı.
"Adyrna" ūlttyq portaly
