2023 jyldyŋ 9 mausymynda Jambyl atyndaǧy Qazaq memlekettık filarmoniiasynyŋ Ülken zalynda T.Äbdıraşev atyndaǧy QR Memlekettık akademiialyq simfoniialyq orkestrınıŋ konsertı ötedı.
Konsertke Europanyŋ jetekşı skripkaşysy, Madridtegı «Katarina Gurska» joǧary muzyka mektebınıŋ professory, otandasymyz – Erjan Kulibaev qatysady. Konserttık şara T.Äbdıraşev atyndaǧy QR Memlekettık akademiialyq simfoniialyq orkestrınıŋ körkemdık jetekşısı jäne bas dirijerı Qanat Omarovtyŋ basqaruymen ötedı.
Almatylyq tyŋdarmandar nazaryna ūsynylatyn konserttık baǧdarlamada:
E. Brusilovskii. Simfoniialyq poema «Dudar-ai»
E. Korngold. Skripka men orkestrge arnalǧan konsert re major (1945), op. 35
T. Qajyǧaliev. «Dala aŋyzy» baletınen siuita
Bızdıŋ aqparat:
T. Äbdıraşev atyndaǧy Qazaqstan Respublikasynyŋ Memlekettık akademiialyq simfoniialyq orkestrı – 1938 jyly qūrylǧan elımızdegı alǧaşqy simfoniialyq orkestr, Qazaqstannyŋ eŋ ırı ärı jetekşı muzykalyq ūjymy. Chehiia, Polşa, Germaniia, Avstriia, Fransiia, Ūlybritaniia, Amerika, Türkiia, Koreia, Qytai elderınıŋ kompozitorlarymen, körnektı dirijerlerımen avtorlyq konserttık kezdesuler ūiymdastyryp, älemdık deŋgeidegı köptegen oryndauşylarmen bırge öner körsetuı – orkestrdıŋ jemıstı jūmysynyŋ nätijesı bolyp tabylady.
1958 jyly orkestr Jambyl atyndaǧy Qazaq Memlekettık filarmoniiasynyŋ qūramyna kırıp, bügınde tyŋdarman nazaryna simfoniialyq muzykany oryndaudyŋ eŋ üzdık ülgılerın ūsynyp keledı.
Qanat Omarov – 2015 jyldan orkestrdıŋ körkemdık jetekşısı jəne bas dirijerı bolyp qyzmet etedı. Qazaqstannyŋ halyq artisı, professor, otyz jylǧa juyq Mem¬lekettık akademiialyq simfoniia¬lyq orkestrdıŋ bas dirijerı bolǧan Tölepbergen Äbdıraşevten tälım alyp, laiyqty deŋgeide ızın jalǧastyryp keledı. Sonymen qatar, «Metropoliten» opera teatrynyŋ bas dirijerı, älemge äigılı maestro – Fabio Luiziden taǧylymdamadan ötıp, mamandyǧynyŋ qyr-syryn igerdı.
Ol Carnegie Hall (Niu-Iork), Kennedy Center (Vaşington), Kitara Hall (Sapporo), Ma¬riin teatry (Sankt-Peter¬bor) men Mäskeu memlekettık konservatoriiasynyŋ Ülken zalynda öner körsetıp, qazaq dirijerlık mektebınıŋ tūǧyryn älemdık deŋgeide moiyndatyp jür.
Erjan Kulibaev – Qazaqstandy bükıl älemge tanytyp jürgen qazırgı zamannyŋ üzdık skripkaşylarynyŋ bırı. İspaniiadaǧy Sofiia patşaiymnyŋ joǧary mektebınıŋ tülegı, «Washington Award» syilyǧynyŋ iegerı jäne Argentina, Polşa, Rumyniia, Germaniia, Resei jäne basqa da köptegen elderdegı halyqaralyq baiqaulardyŋ laureaty. Bügınde «Katarina Gurska» (Madrid, İspaniia) joǧary muzyka mektebınıŋ professory.
