Kinotuyndyger, rejisser Adai Abeldinov qazaq kinogerlerın qoiǧa teŋep, kekesınge toly suretke qatysty pıkır bıldırdı. Fotosuret qazaq tıldı kinogerlerdı aiyptauǧa qūrylǧan, dep habarlaidy "Adyrna" ūlttyq portaly.
Provokasiiaǧa toly suret jaily rejisser Adai Abeldinov pıkır bıldırıp, onyŋ astarynda şovinistık äreketterdıŋ jatuy mümkın ekendıgın aitty.
- 2023 jyldyŋ 12 mamyrynda kinogerler Almaty qonaq üiınıŋ aldynda mitingke şyqqan bolatyn. Sol künı äleumettık jelılerde mitingke şyqqan qazaq tıldı kinogerlerdı it pen qoi keipınde beinelegen provokasiialyq suret jariialandy (tömendegı suret).Soraqysy, qazaq kinogerlerın kemsıte salǧan būl surettı ”Ūlttyq kinony qoldau memlekettık ortalyǧynyŋ” Qarjy direktory Viktoriia Chernova özınıŋ jeke paraqşasynda jariialaǧan.Oryn alǧan jaitty zerttei kele, surettıŋ avtory İvan Ardaşov degen suretşı ekenı anyqtaldy.Aty atalǧandardyŋ tarapynan jasalǧan būl ärekettı qalai qabyldauǧa bolady? Būl qazaq ūltyn malǧa teŋep kemsıtken şovinizm be, älde ūltaralyq arazdyqty qozdyruǧa baǧyttalǧan äreket pe? Menıŋşe, ekeuı de!Ūlttyq kinonyŋ taǧdyryn şeşetın jauapty memlekettık mekemenıŋ bügıngı keipı osy! Qazaq kinosyn qoŋyzdar men doŋyzdar bilegen zaman.“Ūlttyq kinony qoldau memlekettık ortalyǧynyŋ” basşylary atalǧan mäselege nazar audaryp, tekserıs jürgızuın talap etemın!!! ”ŪKQMO” Qarjy direktory Viktoriia Chernova, jasaǧan öreskel äreketı üşın qazaq kinogerlerınıŋ aldynda resmi türde keşırım sūrauyn talap etemın! - dedı rejisser.
Oraiy kelgende aita keteiık, mamyrdyŋ 12-sı künı Almatyda Memlekettık kinematografiia ortalyǧynyŋ baiqauyna filmder ırıkteuınıŋ ädıletsız nätijesıne qarsy rejisserlerdıŋ mitingı öttı. Olar baiqaudaǧy filmderdıŋ aldyn ala ırıkteu nätijelerın joiudy, Mädeniet ministrımen kezdesu ūiymdastyrudy, sondai-aq kino süiemeldeu ortalyǧynyŋ basşylyǧyn jūmystan bosatudy jäne oǧan qatysty tergeudı bastaudy talap ettı.
Mädeniet jäne sport vise-ministrı Nūrǧisa Däueşov kinematografister men Ūlttyq kinony memlekettık qoldau ortalyǧy arasyndaǧy dauǧa pıkır bıldırıp, ministrdıŋ tapsyrmasy boiynşa kelıp tüsken barlyq ötınımderdı qaita qaraityn täuelsız komissiia qūrylatyndyǧyn aitqan edı.
"Adyrna" ūlttyq portaly
qazaq kinogerlerı
Adai Abeldinov
Viktoriia Chernova
Memlekettık kinematografiia ortalyǧynyŋ baiqauy
Mädeniet jäne sport vise-ministrı Nūrǧisa Däueşov
