Astanada 20 nauryzda parlamenttıŋ bırlesken otyrysynda ant berıp, Qazaqstan prezidentı qyzmetın atqaruǧa kırısken Qasym-Jomart Toqaev eldıŋ tūŋǧyş prezidentı Nūrsūltan Nazarbaevqa "qūrmettı senator" märtebesın berudı ūsyndy.
"Tūŋǧyş prezidenttıŋ suretterı qoǧamdyq mekemelerde, memlekettık qyzmetkerlerdıŋ kabinetı men bılım beru mekemelerınde mındettı atribut retınde qala beredı. Elbasynyŋ ömırlık qajettılıgı "Tūŋǧyş perzident turaly" zaŋǧa säikes qamtamasyz etıledı, onyŋ qyzmettık qūrylymdarynyŋ barlyǧy saqtalady" dedı Toqaev.
Būǧan qosa Toqaev "strategiialyq şeşımderdı qabyldau kezınde elbasynyŋ pıkırıne basymdyq berıletının" mälımdedı.
Ol būǧan deiın memleket astanasynyŋ atauyn "Nūrsūltan" dep özgertudı ūsynǧan.
19 nauryzda Nūrsūltan Nazarbaev respublikalyq telearnalardan halyqqa ündeu jasap, prezidenttık ökıletın toqtatatynyn mälımdegen edı. Ol prezident retınde qol qoiǧan soŋǧy jarlyqqa säikes, Nazarbaevtyŋ prezidenttık ökıletı 20 nauryzda toqtatyldy.
"Azattyq" radiosy
