Kaspi.kz IIM Köşı-qon qyzmetı komitetımen, Ädılet ministrlıgımen, Sifrlandyru ministrlıgımen, AÖO RMK jäne ŪAT AQ-pen bırlesıp jaŋa servistı ıske qosty. Endı Kaspi.kz superqosymşasynda uaqytşa nemese tūraqty tırkeudı resımdeuge bolady.
Servis üi iesıne öz päterıne tırkeluge nemese oǧan basqa adamdardy tırkeuge mümkındık beredı. Sondai-aq menşık iesı onyŋ üiınde tūrmaityndardy tırkeuden şyǧara alady.
Eger sız bıreudıŋ üiıne tırkelgıŋız kelse, menşık iesınıŋ JSN-yn engızuıŋız kerek, al servis onyŋ kelısımın özı sūratady.
Kaspi.kz-tıŋ basşysy ärı negızın qalauşylardyŋ bırı Mihail Lomtadze: «Bız Kaspi.kz superqosymşasyna jaŋa servisterdı qosa bermekpız. Bızdıŋ süiıktı klientterımız özderınıŋ ūialy telefony arqyly avtokölıktı qaita tırkei alady, jürgızuşı kuälıgın jaŋarta alady, memlekettık mekemelerden anyqtama alyp, balalarǧa järdemaqy resımdei alady, tūrǧylyqty jerı boiynşa tırkele alady jäne basqa da köptegen kündelıktı mındetterdı jeŋıl ärı oŋai oryndai alady. Bız IIM-ge, Ädılet jäne sifrlandyru ministrlıkterı men basqa da memlekettık organdarǧa bırlesken jūmysty sättı jürgızgenı üşın alǧys aitamyz. Bız är qazaqstandyq üşın memlekettık qyzmetterdı būrynǧydan da yŋǧaily ärı qoljetımdı ete otyryp, qazaqstandyqtardyŋ ömırın bırge jaqsartamyz», — dedı.IIM memleket basşysynyŋ tapsyrmasymen polisiia qyzmetın sifrlandyru jūmysyn jalǧastyryp jatyr.
«Mobildı qosymşalar qarapaiym ärı tüsınıktı, al olardy paidalanu qyzmet aluşylardyŋ qyzmetkerlermen tıkelei kezdesuıne jol bermeidı. Sondyqtan polisiia qyzmetınde biurokratiianyŋ jolyn kesu aiasynda IIM halyqqa körsetıletın memlekettık qyzmetterdı smartfon arqyly aluyna erekşe nazar audarady. Sūranysqa ie memlekettık qyzmetter smartfondarda qoljetımdı. Endı azamattarǧa HQKO men polisiia mekemelerıne barudyŋ, ötınışter men şarttardy qaldyrudyŋ, belgılı bır uaqyt kütudıŋ qajetı joq», — dep habarlady IIM-de.«EDB mobildı qosymşalarynda qyzmetterdıŋ tanymaldyǧy jyl saiyn artyp keledı, — dep atap öttı QR SDİAÖM vise-ministrı Äset Tūrysov. — Mäselen, ötken jyly syrtqy platformalar arqyly 1 millionnan astam qyzmet alyndy. Jalpy memlekettık qyzmetterdı ekınşı deŋgeidegı bankterdıŋ mobildı qosymşalaryna şyǧaru memlekettık qyzmet aludyŋ qolailylyǧyn arttyruǧa jäne olardyŋ qoljetımdılıgın qamtamasyz etuge baǧyttalǧan. Bügıngı taŋda bız eŋ jiı qoldanylatyn qyzmetterdıŋ bırı — tūrǧylyqty jerı boiynşa tırkeudı Kaspi.kz qosymşasyna şyǧaryp jatyrmyz. Endı Kaspi.kz qosymşasy arqyly tūrǧylyqty jerı boiynşa tırkelıp, basqalardy tırkeuden şyǧaruǧa bolady. Osy baǧytta ministrlıktıŋ, EDB men müddelı memlekettık organdardyŋ bırlesken jūmysy jalǧasyn tabady». Servistı paidalanu qauıpsız. Tırkeudı resımdegen kezde suret boiynşa anyqtaudan ötu kerek. Būl sızden basqa eşkımnıŋ sızdıŋ atyŋyzdan būl servistı paidalana almaitynyna kepıldık beredı.
