...Ärine, Qazaqstannyŋ ekınşı prezidentı Qasym-Jomart Toqaev Elbasyn ūlyqtau jönınde ūsynys jasaǧanymen, «Qazaqtyŋ ūly tūlǧalarynyŋ esımderın tärk etıp, Täuelsızdıktı joqqa şyǧaryŋdar!» – degen joq qoi.
Solai bola tūra, «şaş al dese, bas aluǧa» daiyn tūratyn äkımder bırşama oblys ortalyqtarynda qazaqtyŋ ūly tūlǧalarynyŋ aty qoiylǧan köşeler men daŋǧyldardyŋ ataularyn, Pavlodarda Täuelsızdık daŋǧylynyŋ atauyn «Nūrsūltan Nazarbaevqa» özgertıp jıberdı!
Neşeme jyldar boiy alysyp jürıp, "Kutuzov" köşesın "Täuelsızdık" daŋǧyly dep qaita atauǧa zorǧa qol jetkızıp edık! Endı, şynymen, «Täuelsızdıkten» airylǧanymyz ba?!
Bır tüsınıksız jait, Astana qalasynyŋ atauy özgeredı de, Pavlodardaǧy ortalyq köşelerdıŋ bırı Astana köşesınıŋ atauy saqtalynyp qalady... Däl sondai ūzyn ärı keŋ ortalyq köşelerdıŋ bırı Lermontov bäz-baiaǧy qalpynda tūr!..
Täuelsızdık daŋǧylynyŋ atauyn özgertkenşe Pavlodar qalasyn Nūrqala dep qaita atau äldeqaida dūrys bolar edı! Pavel patşazadanyŋ esımın qūrmetteuden görı Elbasynyŋ atyn äspetteu meilınşe abzal ıs qoi!
Bızdıŋ būl uäjımız ben ūsynysymyz Qazaqstan Respublikasynyŋ Prezidentı Qasym-Jomart Toqaev myrzaǧa jetedı degen ümıttemız.
Arman QANİ, Halyqaralyq «Alaş» ädebi syilyǧynyŋ iegerı, Pavlodar qalasynyŋ qūrmettı azamaty.
