Jelıde änşı Töreǧali Töreälını poliseilerdıŋ ūstaǧan videosy tarady, dep jazady "Adyrna".
Instagram-da taraǧan aqparatqa süiensek, öner iesı Almatyda Mailin köşesınde ūstalǧan. Ol rölge ışıp alyp otyrǧan desedı. Polisei qyzmetkerlerınıŋ toqtatuyna könbegen ärtıstı, küşpen ūstauǧa mäjbür bolǧan.
"Naqtylanbaǧan derek boiynşa Mailin köşesınde VAZ ainalma jolyna jetpei Töreǧali Töreälı ūstaldy", - delıngen äleumettık Jelıde taraǧan videoda.
Oqiǧaǧa qatysty Almaty qalalyq polisiia departamentı resmi mälımdeme jasady.
"️Almaty qalalyq PD 14 mausym Mailin köşesınıŋ boiynda, soltüstık baǧytta, jergılıktı polisiia qyzmetınıŋ mamandandyrylǧan batalonynyŋ ekipajy 1992 jyly tuǧan A. esımdı azamattyŋ basqaruyndaǧy Lexus avtokölıgın toqtatqanyn habarlaidy.
Jürgızuşınıŋ mınez-qūlqy öreskel bolyp körındı: ol agressivtı boldy, polisiianyŋ zaŋdy talaptaryna baǧynbady, tūraqta tūrǧan Chevrolet kölıgıne zaqym keltırıp, ūstalǧan ornynan qaşyp ketpek boldy.
Qūqyq būzuşynyŋ joly būǧattaldy. Patruldık polisiia qyzmetkerlerı ony ūstap, medisinalyq tekseruge alyp bardy. Saraptama nätijesınde A. esımdı azamattyŋ esırtkıge mas ekendıgı belgılı boldy.
QR ÄQbK-nıŋ 608 baby 3 bölıgı, QR ÄQbK-nıŋ 613 baby 1 bölıgı, QR ÄQbK-nıŋ 599 baby 1 bölıgı, QR ÄQbK-nıŋ 596 baby 3 bölıgı, QR ÄQbK-nıŋ 600 baby 1 bölıgı jäne QR ÄQbK-nıŋ 230 baby 2 bölıgı boiynşa hattamalar toltyryldy.
Kölık mamandandyrylǧan aiyppūl tūraǧyna qoiyldy. Öndırıs materialdary şeşım şyǧaru üşın sotqa jıberıletın bolady" delındı habarlamada.
Aita keteiık, qūjat boiynşa Töreǧali Töreälınıŋ tegı - Alihanov.
Ūqsas jaŋalyqtar
