Parlament senatynyŋ töraǧasy Dariǧa Nazarbaeva Qytai Halyq Respublikasynyŋ elşısın qabyldady.
Senat spikerı Qytaimen jan-jaqty strategiialyq serıktestık ornatudyŋ maŋyzy joǧary ekenın atap öttı.
"Qazaqstan Elbasy Nūrsūltan Nazarbaev pen QHR töraǧasy Si Szinpinnıŋ joǧary deŋgeidegı dostyq, tatu körşılık jäne özara tüsınıstık negızındegı kelısımderın jüzege asyruǧa niettı. Strategiialyq jan-jaqty serıktestık negızındegı qarym-qatynasty nyǧaitu baǧytyn ūstanamyz", - dedı Dariǧa Nazarbaeva.
Chjan Siao QHR Halyq ökılderı bükılqytailyq jinalysy tūraqty komitetınıŋ töraǧasy Li Chjanşudyŋ Dariǧa Nazarbaevaǧa senat töraǧasy qyzmetıne sailanuymen qūttyqtauyn jetkızdı jäne ärı qarai tabysty jūmys ısteuıne tılektestıgın bıldırdı.
"Bız sızdıŋ parlamentaralyq bailanystardy damytuǧa jäne Qytaidyŋ "Bır beldeu, bır jol" bastamasyn qoldauǧa qosqan jeke ülesıŋızdı joǧary baǧalaimyz", - dedı ol.
Senat basşysy ekı el arasyndaǧy jastar yntymaqtastyǧyn belsendı damytu, atap aitqanda, studentterdıŋ almasyp oquyn jäne bılım granttaryn berudı jolǧa qoiu qajettıgın atap öttı. Dariǧa Nazarbaeva Şyŋjaŋ-ūiǧyr avtonomiialyq audanyndaǧy qazaqtar taqyrybyn qozǧai kelıp, QHR-daǧy etnikalyq qazaqtar Qazaqstan men Qytai arasyndaǧy qarym-qatynasta "dostyq köpırı" ekenın atap öttı. Taraptar osy salada tuyndaityn mäselelerdı özara aqyldasyp, syndarly türde şeşuge uaǧdalasty. Kezdesu barysynda senat töraǧasy Qazaqstan azamattary üşın turistık jäne jeke viza berudı jaŋǧyrtu mäselesın köterdı.Sputnik
