Nūr-Sūltan äkımı: "Qala batpaqqa batqan"

Elorda äkımı Baqyt Sūltanov köşelerdıŋ tazalyǧy, qoqys şyǧaru jäne joldardyŋ jaǧdaiy üşın jauaptylardyŋ jūmysyn synǧa aldy, - dep habarlaidy Tengrinews.kz tılşısı Nūr-Sūltan qalasy äkımdıgınıŋ resmi saityna sılteme jasap. Bügın Baqyt Sūltanovtyŋ töraǧalyǧymen äkımdıktıŋ kezektı otyrysy ötıp, onda qala tırşılıgınıŋ özektı mäselelerı qaraldy. "Qala köşelerındegı qoqys mäselesıne erekşe nazar audaramyz. Bügın qala batpaqqa batqan! Maǧan mälım derekter boiynşa, qazırgı taŋda audan äkımdıkterı sanitarlyq tazalau boiynşa merdıgerlık ūiymdardyŋ barlyǧymen kelısımşart jasaspaǧan. Audan äkımderı, sızder 1 nauryzda barlyq şaralardy aiaqtap, köşelerdı tazalaudy bastaularyŋyz kerek edı! Būl jaǧdaida ne ısteuge bolady? Ne degen salǧyrttyq būl?! Jūmystaryŋyzdy qalai josparlaisyzdar?!", - degen Sūltanov memlekettık satyp alu räsımderın jedeldetudı, sondai-aq qalany sanitarlyq tazalau jūmystaryn bastaudy tapsyrdy. Būdan bölek, Baqyt Sūltanov qoqys şyǧaru jūmystaryna "sätsız" degen baǧa berdı. "Men qorşaǧan ortany qorǧau basqarmasyna qoqys alaŋdary men konteinerlerdıŋ jaǧdaiyn erekşe baqylauǧa aludy, olardy tiıstı jaǧdaiǧa keltırudı jäne qoqysty uaqytynda şyǧarudy qamtamasyz etudı tapsyrǧan bolatynmyn. Jūmys sätsız aiaqtaldy, tapsyrma oryndalmady! Būrynǧydai qoqys uaqytynda şyǧarylmaidy, qūrylys qoqystary jinalady, alaŋdar tazartylmaidy, olardyŋ jaǧdaiy poligonnan da soraqy!", - dedı qala äkımı qorşaǧan ortany qorǧau jäne tabiǧatty paidalanu basqarmasynyŋ basşysy Mūsa Tanabaevqa. Qala äkımınıŋ aituynşa, köptegen qoqys konteinerlerı bülıngen. Osyǧan bailanysty Sūltanov öz orynbasary Arman Tūrlybekke qoqys şyǧaratyn kompaniialarǧa nūsqaulyq ötkızudı, jauapkerşılık şaralaryn küşeitudı jäne barlyq qoqys alaŋdarynda beinebaqylau kameralaryn ornatu mäselesın pysyqtaudy tapsyrdy. Sonymen qatar, qala köşelerın su basu jaǧdaiy qala äkımdıgınıŋ alaŋdauşylyǧyn tuǧyzdy. Jyl basynan osy mäsele boiynşa 2 984 ötınış kelıp tüsıptı. "Qala tūrǧyndarynyŋ aldynda esep beru kezdesuınde men elordanyŋ būdan bylai su astynda qalmaityndyǧyna uäde bergen edım. Qar erıp, jaŋbyr jaudy, mıne, qalanyŋ jartysy suǧa batty! Jol qūrylysy qalai jobalanady? Nege sudy tabiǧi būru jüiesı qarastyrylmaǧan? Sız dūrys ne dūrys jobalamaisyz, ne mäselege nemqūraily qaraisyz", - dedı Sūltanov kölık jäne jol-kölık infraqūrylymyn damytu basqarmasynyŋ basşysy Ashat Qaraǧoişinge qarata. Ol, sondai-aq, avtomobildık joldardyŋ, äsırese qar erıgennen keiıngı jai-küiı sapasynyŋ syn kötermeitındıgın alǧa tartty. Jinalys qorytyndysy boiynşa qala äkımı avtokölık joldary qūrylysynyŋ barysy men sapasyn jäne olardy paidalanuǧa berudı baqylaudy küşeitudı tapsyrdy.