Şymkenttık bas därıgerge sögıs jariialandy

Şymkent qalasynda klizmadan küiıp qalǧan balaǧa qatysty auruhananyŋ bas därıgerıne taǧy tärtıptık jaza qoldanyldy. Qala äkımı Ǧabidolla Äbdırahymovtyŋ tapsyrmasy boiynşa densaulyq saqtau basqarmasy basşysynyŋ būiryǧymen qalalyq jūqpaly aurular auruhanasynyŋ bas därıgerı Amangeldı Nūrlybaevqa sögıs jariialandy, - dep habarlaidy Otyrar.kz tılşısı. Sondai-aq, 6 säuırde Şymkentte ötken basqosuda QR DSM Qoǧamdyq densaulyq saqtau Komitetınıŋ töraǧasy J.Bekşin Şymkent qalasynyŋ äkımı men densaulyq saqtau basqarmasynyŋ basşylyǧyna jūqpaly aurular auruhanasynyŋ bas därıgerınıŋ qyzmetıne säikestıgın, lauazymyna laiyqtyǧyn qarastyru turaly ūsynys beretının aitqan bolatyn. Eske salaiyq, 28 nauryzda 10 ailyq böbekke qainaǧan sumen klizma jasaǧan medbike tıkışegı men jambasyn küidırgen edı. Säbi qazır Almatydaǧy arnaiy ortalyqta em alyp jatyr. Därıgerler onyŋ qazırgı jaǧdaiy ortaşa tūraqty dep otyr.​ ​