Senatta Qazaqstan ükımetı men Qytai ükımetı arasyndaǧy QHR jeŋıldıktı kredit beru turaly negızdemelık kelısımdı ratifikasiialau turaly zaŋ jobasy qaraldy
Senat deputaty Äli Bektaev Qytaidan 20 jylǧa alynatyn jeŋıldetılgen kredittıŋ Qazaqstan ekonomikasyna qandai paida äkeletının tüsındıre almaǧan qarjy ministrlıgıne şüilıktı, dep habarlaidy Sputnik Qazaqstan tılşısı.
Bügın senattyŋ qarjy jäne biudjet komitetınıŋ keŋeitılgen otyrysynda "Qazaqstan ükımetı men Qytai ükımetı arasyndaǧy QHR jeŋıldıktı kredit beru turaly negızdemelık kelısımdı ratifikasiialau turaly" zaŋ jobasy qaraldy.
Otyrys barysynda senator Äli Bektaev Qytaidan alynatyn qaryzdyŋ el ekonomikasyna äkeletın paidasyn, biudjetke qandai qosymşa tüsımder tüsetının sūrady.
Qarjy ministrlıgınıŋ ökılderı deputattyŋ saualyna naqty jauap bere almady.
"Alynatyn qaryz esebınen infraqūrylym damyp, Batys Europa-Batys Qytai tas jolynyŋ mümkındıkterı keŋeiıp, joldaǧy servistık qyzmetter damyp, qosymşa salyqtar tüsedı dep boljap otyrmyz. Kedendık tölemder men salyqtar boiynşa şamamen 300 milliard teŋge qosymşa salyq tüsedı dep josparlap otyrmyz", - dedı ministrlık ökılderı.
Senat deputaty būl jauapqa qanaǧattanbady.
Qarjy ministrlıgı şekaradaǧy ötkızu punkterın jaŋǧyrtuǧa Qytai tarapy özı müddelı ekenın, sondyqtan jeŋıldetılgen kreditke kelısım bergenın atap öttı.
"Qytai özınıŋ tranzittık äleuetın arttyruǧa, eksporttyq tauarlaryn Europaǧa jetkızu üşın jeŋıldetılgen kredittı jüielı türde berıp otyr. Qytaidyŋ özı müddelı, sondyqtan şyǧynnyŋ köp bölıgın Qytai ükımetı öz biudjetınen öteidı", - deidı ministrlık ökılderı.
Zaŋ jobasy senattyŋ qarauyna jıberıldı.
Aita ketsek, būǧan deiın mäjılıs būl zaŋ jobasyn maqūldaǧan bolatyn. Qaryzdyŋ jalpy somasy 2, 062 milliard iuan, iaǧni teŋgege şaqqanda 100 milliard teŋgeden astam. Kelısımge säikes, Qytai bankı jeŋıldıktı kredittı jyldyq stavkasy 2 prosentpen 20 jylǧa beredı. Būl aqşaǧa Qytai, Özbekstan jäne Türıkmenstanmen aradaǧy şekarada ornalasqan 10 ötkızu beketın, onyŋ ışınde 9 avtokölık jäne 1 temırjol punktın jaŋǧyrtu közdelıp otyr.
"Būl jalpylama söz ǧoi, menıŋ ne aitqym kelıp otyrǧanymdy tüsındıŋızder ǧoi. Qaryz alu üşın sızderde naqty esep bolu kerek. Osynşama alamyz, ol bızge osynşa paida äkeldı, ony myna joldarmen qaitaramyz degendei. Būl jai ǧana bıreudıŋ aspannan tüsken qaryzy emes qoi, būl memlekettık qaryz. Sondyqtan sızderde naqty esep boluy tiıs. Sızder qarjy ministrlıgısızder. Esepterıŋız bar ma?", - dep aşulandy deputat.
Ministrlık ökılderı 300 milliardtan basqa naqty esepter jasalmaǧanyn aitty. Osydan keiın Bektaev tömen prosentpen alynatyn qaryz qūrylysqa emes, nege auyl şaruaşylyǧyna, öndırıske jūmsalmaitynyn sūrady."Qaryzdy ekı prosentpen ǧana alady ekenbız. Talaptary jaqsy. Bız nege osy zaimdy alyp, öndırıske, bizneske jūmsamaimyz, auyl şaruaşylyǧyna nege bermeimız? Bızdıŋ alyp-berıp jatqan qaryzymyzdyŋ barlyǧy 6-7 prosentten kem emes. Osyndai arzan prosentpen berıletın kredittı nege qūrylysqa jūmsaimyz?", - dedı senator.
Sputnik
