Sportşy, Mäjılıs deputaty Däulet Tūrlyhanovtyŋ ūly Nūrasyl Bolatty äskeri polisiia qyzmetkerlerı äskeri bölımge ūstap äkeldı, dep habarlaidy "Adyrna" portaly.
«2023 jylǧy 3 şıldede ışkı ıster organdary men äskeri polisiia qyzmetkerlerı bırlesıp ūiymdastyrǧan jedel-ızdestıru ıs-şaralary barysynda būryn äskeri bölımnen rūqsatsyz qaşyp ketken qatardaǧy merzımdı qyzmettegı B-nyŋ tūrǧan jerı anyqtaldy. Atalǧan faktı boiynşa qyzmettık tekserıs jürgızılude», - dep habarlady Qorǧanys ministrlıgınıŋ baspasöz qyzmetı.
Eske sala keteiık, būǧan deiın Tūrlyhanovtyŋ ūly Nūrasyl Bolattyŋ äskeri bölımnen qaşyp ketkenı turaly habarlanǧan bolatyn. Keiın būl aqparatty Qorǧanys ministrlıgı resmi türde rastady.
Qūqyq qorǧauşy Anna Chernova bolsa, äleumettık jelıde "Maǧan älgınde ǧana Mäjılıs deputaty Däulet Tūrlyhanovtyŋ ūly Nūrasyl Bolattyŋ äskeri bölımnen qaşyp ketkenı jaily habar jettı. Ol bölımde būltartpau şarasy boiynşa bölım bastyǧynyŋ baqylauynda bolatyn", – dep jazǧan.
Onyŋ aituynşa, deputattyŋ ūly 2 şılde künı bölımnen kölıkpen şyǧyp ketken.
Esterıŋızge sala keteiık, 2023 jyldyŋ aqpan aiynyŋ ortasynda qazaqstandyq zaŋger Anna Chernova Almatyda küieuı ekeuın ataqty baluannyŋ balasy soqqyǧa jyqqanyn mälımdedı. 10 nauryzda Qazaqstannyŋ Bas äskeri prokuraturasy Däulet Tūrlyhanovtyŋ ūlyna qatysty ıstıŋ män-jaiyn aityp, sotqa deiıngı tergep-tekserudıŋ bastaǧanyn habarlaǧan edı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz