Almaty ǧylym qalasyna ainala ala ma?

Almaty qalasy äkımdıgı men QR ŪǦA bırlesken jobalar äzırlemek. Qala äkımı Erbolat Dosaev būl bastamany köterıp, qala ǧylymyna serpın berudı közdegen. Juyrda QR ŪǦA Basqarma basşysy Künsūlu Zakaria men otandyq ǧalymdar Almaty qalasynyŋ äkımı Erbolat Dosaevtyŋ qabyldauynda bolyp, balamasyz ǧylymi jobalardy tanystyrdy. «Almaty – ıskerlık, ekonomikalyq, mädeni ömırdıŋ ortalyǧy jäne qarqyndy damyp kele jatqan qala ekenın bärımız bılemız. Onyŋ bır dälelı keşegı jazyq dala bügınde ülken qalaǧa ainaldy. Osy jerde bır eskeretın jäit qala infroqūrylymyn damytu jolynda tūrǧyndarǧa qiyndyq bolyp tietın özektı mäseleler aiaqqa oralmas üşın, ärbır jasalynǧan dünie tıkelei ǧylymmen zerdelenıp baryp jüzege asuy  qajet» degen QR ŪǦA Prezidentı Künsūlu Zakaria aldaǧy uaqytta ǧylym el ışındegı özektı mäselelerdıŋ şeşıluınde erekşe maŋyzǧa ie bolatynyn jetkızdı. «2023 jyly 117 mlrd. kVt/saǧ elektr energiiasyn öndırse, al tūtynu kölemı  123 mlrd. kVt/saǧ  qūraidy.   Sonda  elektr   energiiasynyŋ    difisitı 6 mlrd. kVt/saǧ qūrap otyr. - 2020 jyly eldegı su resursy 94 km³ qūraǧan,  onyŋ 40%-y şet elderden keledı. Ekologiia jäne tabiǧi resurstar ministrlıgınıŋ mälımetınşe 2030 jyly su resurstarynyŋ defisitı 23,2 km³ qūrauy mümkın. - Qazaqstan 2021  jyly  auanyŋ lastanuy  deŋgeiı  boiynşa  älemde  32-orynda. Auanyŋ lastanu deŋgeiı 21,9 mg/m3» dep naqty mysaldar keltırgen QR ŪǦA Prezidentı onyŋ şeşımın de qatar aityp öttı. «Osyndai mäselelerdı şeşude bızdıŋ ǧalymdardyŋ kömegı auadai qajet: - Elektr toǧyn ünemdeitın qūrylǧylardy nemese jaŋa elektr toqtaryn alu közderı tehnologiialaryn jasau; - Su resurstaryn ünemdeitın tehnologiialar oilap tabu nemese lastanǧan öndırıstık sulardy tazalap, qaita paidalanuǧa jaratu ädısterın tabu; - Ekologiiany, aua basseinınıŋ lastanuyn tejeitın zattar nemese ädıster oilap tabu; Osyǧan orai Erbolat Asqarbekūly, özıŋızdıŋ bızge aitqan ūsynysyŋyzdy eskere otyryp bügınde Ūlttyq ǧylym akademiiasynyŋ qyzmetkerlerı qala deŋgeiındegı tüitkıldı mäselelerdı şeşeuge baǧyttalǧan daiyn jobalardy saralap, jinastyrdy» dedı akademiia basşysy. Qazaqstan Respublikasy Prezidentınıŋ janyndaǧy Qazaqstan Respublikasynyŋ Ūlttyq ǧylym akademiiasynyŋ Ǧylym departamentı eluge tarta jobamen jeke-jeke tanysyp, Almaty qalasynyŋ damuyna tıkelei äser etetın  jobany qala äkımıne ūsyndy. Erbolat Asqarbekūly är jobamen jıtı tanysyp, olardyŋ ışınen ekonomikalyq ärı äleumettık tūrǧyda tiımdı bırneşe jobany kezek küttırmei qoldauǧa daiyn ekenın bıldırdı. P.S: Almaty qalasy äkımdıgınıŋ būl bastamasy talai igı ıstıŋ basy dep bılemız. Otandyq ǧalymdardy qoldau arqyly qazaq ǧylymyna serpın beretınımızdı özge öŋır basşylary da tereŋ tüsetınıne bek senımdımız.