Qazaqstan qūramasynyŋ ökılı Eduard Kim körkem jüzuden jarysta qola medal jeŋıp aldy, dep habarlaidy “Adyrna” portaly Qazaqstan Respublikasy Ūlttyq Olimpiadalyq komitetınıŋ baspasöz qyzmetıne sıltep.
Eduard Kim Qazaqstanǧa 2023 jylǧy su sportynan älem chempionatynda alǧaşqy medal äkelgen sportşy.
Ol aqtyq saiysta 216 ūpai jinap, üşınşı orynǧa köterılgen.
«Erlerdıŋ tehnikalyq solo» dissiplinasynda Eduard Kim aldyn ala oryndau nätijesı boiynşa besınşı orynǧa ielenıp, finalǧa joldama alǧan edı. Finaldaǧy nätijesımen ol üzdık üştıkke kıre aldy.
Sportşynyŋ jeke bapkerı Janna Demchenkonyŋ aituynşa, qazaqstandyq sportşy Eduard jaqynda 18 jasqa tolady.
Körkem jüzuden altyndy ispandyq Fernando Dias Rio Soto 224 555, kümıs jüldenı amerikalyq Kennet Gaudet 216 800 ūpaimen ielendı.
Älem chempionaty 14 şıldede Japoniianyŋ Fukoka qalasynda bastalyp, 30 şıldege deiın jalǧasady. Jer şarynyŋ tükpır-tükpırınen kelgen sportşylar jüzu, su doby, aşyq suda jüzu, suǧa sekıru jäne körkem jüzu boiynşa 74 medal jiyntyǧyn sarapqa salmaq. Qazaqstannan älem chempionatyna sporttyŋ tört türınen 50 sportşy attanǧanyn esterıŋızge salamyz.
Ūqsas jaŋalyqtar
