Almatyda ekı esırtkı zerthanasy men himiialyq prekursorlar qoimasy anyqtaldy

2458
Adyrna.kz Telegram
https://adyrna.kz/content/uploads/2023/07/izobrazhenie_2023-07-19_095357796.png
Almatyda ekı esırtkı zerthanasy men himiialyq zaŋsyz prepparattar saqtalǧan ırı qoima anyqtaldy, dep habarlaidy "Adyrna" ūlttyq portaly. Būl turady Ūlttyq qauıpsızdık komitetınıŋ (ŪQK) baspasöz qyzmetı mälımdedı.  «12 jäne 14 şıldede Almatyda QR Ūlttyq qauıpsızdık komitetı  tekseru ıs-şaralaryn ötkızdı, nätijesınde ekı esırtkı zerthanasy men himiialyq prekursorlary bar ırı qoima joiyldy. 10 kelıden astam sintetikalyq «mefedron» esırtkısı, 15 tonnaǧa juyq prekursorlar, sondai-aq kem degende tört-bes esırtkı zerthanasynyŋ qyzmetın ūiymdastyruǧa mümkındık beretın arnaiy qūral-jabdyqtar tabylyp, tärkılendı. Esırtkı jasau kezınde respublikanyŋ tört azamaty ūstaldy, olarǧa sot şeşımımen qamauǧa alu türındegı būltartpau şarasy qoldanyldy», - delıngen särsenbı künı taratqan habarlamada. Atalǧan faktıler boiynşa sotqa deiıngı tergeu amaldary jürgızılude. «Ūlttyq qauıpsızdık komitetı 2023 jyldyŋ basynan berı 24 esırtkı zerthanasyn, 20 halyqaralyq jäne 23 aimaqtyq esırtkı arnasyn joiyp, 780 kelı sintetikalyq esırtkı men 68 tonnadan astam prekursorlardy tärkıledı. Esırtkı, psihotroptyq zattardy jäne sol tektesterdı zaŋǧa säikes zaŋsyz ainalymǧa, ötkızuge, saqtauǧa, daiyndauǧa, ösıruge, qaita öŋdeuge, satyp aluǧa bailanysty qylmystar üş jyldan 20 jylǧa deiın bas bostandyǧynan aiyruǧa jazalanady», - dep tolyqtyrdy ŪQK.

"Adyrna" ūlttyq portaly

Pıkırler