Zirat basynda parşa-parşa bolyp şaşylǧan temırlerdı körgen tūrǧyndar da şoşyp otyr.
"Osy zirattyŋ qasynda tūrǧanyma 35 jyldai boldy. Mūndai masqarany bırınşı ret köruım. Qūdaidan da qoryqpaityn adamdar bar. Barlyq şoiyn qorşaulardy tonap ketken. Būl bır-ekı adamnyŋ jūmysy emes. Temır qabyldaityn oryndar ūrlanǧan zat ekenın bılıp, qabyldamau kerek. Soǧan zaŋmen tyiym salynsa mūndai soraqylyqtar bolmaityn edı",-dedı qala tūrǧyny Amanǧazy Şabaqov.
Būl jaǧdaiǧa qatysty polisiia tarapynan ıs qozǧalyp, temır-tersek qabyldau oryndaryna tekseru jūmystaryn jürgızıp jatyr.
"Gormolzavod" aumaǧynda ornalasqan Bauyrlastar mazarynan temır qorşaulardyŋ ūrlanu deregıne qatysty qylmystyq kodekstıŋ 188-baby boiynşa sot aldy tergeu-tekseru amaldary jürgızılude. Metall qabyldau oryndary tekserılude",-dedı oblystyq ışkı ıster departamentınıŋ baspasöz qyzmetı.
Al ziratty senımgerlık basqaruǧa alǧan mekeme polisiiaǧa aryzdy özderı tüsırgenın alǧa tartty.
"Būl bır-ekı künde bolǧan jaǧdai. Qorşaulardyŋ ūrlanǧany turaly polisiiaǧa habar berdık. Ol jerdı bız 5 jylǧa senımgerlıkke alǧan bolatynbyz. Qazırgı uaqytta qalada 40 -tan asa zirattar bar. Bärınde kezektı tekserıster ötıp, tazalyq jūmystary jürıp tūrady",-dedı ritualdyq qyzmet körsetu mekemesınıŋ basşysy Säbit Düisenov.
