Türkıstan oblysynda «Auyl amanaty» jobasyn jüzege asyruǧa respublikalyq biudjetten 19,8 mlrd. teŋge qarjy bölındı. Bügıngı taŋda maqūldanǧan jobalar körsetkışı boiynşa Türkıstan oblysy elımızde köş bastap tūr. Bıraq älı de mäseleler köp. Jūmysty şiratyp, auyl tūrǧyndaryn käsıpkerlıkke tartu kerek. Būl tüitkıl boiynşa arnaiy mäjılıs ötkızıldı. Jiynda Türkıstan oblysynyŋ äkımı Darhan Satybaldy jauaptylarǧa jūmysty jandandyrudy tapsyrdy. Jobany jüzege asyruda kemşılıkke boi aldyrǧan äkımder men mekeme basşylaryn synǧa alyp, esepterın tyŋdady.
– «Auyl amanaty» boiynşa jobalardy qarjylandyru körsetkışı tömen. Uaqyt ötıp jatyr. Josparǧa engızılgen barlyq auyldarda jobalar tolyq jüzege asyp, eldıŋ tabysy artuy tiıs. Jauapty basqarma basşylary, sızder auyl şaruaşylyǧyndaǧy problemalardy anyqtap, şeşu joldaryn ūsynyŋyzdar. Tūrǧyndarǧa ideialar berıp, jobany jüzege asyruǧa, öz käsıpterın bastauǧa kömektesıŋızder. Belsendı tūrǧyndar özderı ızdenıp, nesiesın alady. Bıraq tūrǧyndardyŋ bärı ondai belsendı emes. Olarǧa tüsındıru jūmystaryn jürgızıp, keŋes bergen jön. Audan, qala äkımderı, bylai otyra beruge bolmaidy. Izdenıŋızder, «Auyl amanaty» jobasyn jandandyru kerek. Qarjylandyruǧa jauapty «Yrys» qarjy ūiymy men äleumettık-käsıpkerlık korporasiia basşylary da jūmysty şiratsyn. Az ǧana jobany igere almai otyrsyzdar. Şarualardyŋ, tūrǧyndardyŋ jobalary jyldam qarjylandyrylsyn, – dedı Darhan Satybaldy.Mäjılıste Türkıstan oblystyq auyl şaruaşylyǧy basqarmasynyŋ basşysy Tūrǧanbek Ospanov pen Oblystyq käsıpkerlık jäne önerkäsıp basqarmasynyŋ basşysy Nūrjıgıt Myrzahmetovtyŋ esepterı tyŋdaldy. Joba arqyly 3220 tūrǧynǧa nesie berıp, 3413 jaŋa jūmys ornyn aşu közdelgen. Jūmystar nätijesınde ortaşa ailyq kırıs 1,5 esege, süt önımın öndıru 40,6 paiyzǧa, et öndıru 63,2 paiyzǧa, jylyjai önımı 26,2 paiyzǧa, qūs etı 2,4 paiyzǧa, balyq önımı 2 paiyzǧa ūlǧaiady dep josparlanǧan. Bügıngı taŋda Türkıstan oblysynda 3,6 mdrd. teŋgenıŋ jobalary maqūldanǧan. Bastapqyda bekıtılgen qūjattardyŋ tızbesı 16 bolyp bekıtılgen. Joba aiasynda qaǧazbastylyqty joiu maqsatynda qajettı qūjattar tızımı jūmysşy toppen qaita qaralyp, qūjattar sany 8-ge deiın qysqartyldy. Būl auyl tūrǧyndaryna qolaily. «Auyl amanaty» jobasy boiynşa Oblystyq käsıpkerlık jäne önerkäsıp basqarmasy tarapynan 50 biznes jospar äzırlenıp, tūrǧyndarǧa ūsynylǧan. Auylda käsıpkerlıktı damytu, öndırıs oryndaryn aşu baǧytynda da jūmystar jalǧasady. Jospardy oryndamaǧan jäne tömen nätije körsetken basşylarǧa şara körıledı.
