Ükımet Şyǧys Qazaqstan oblysyndaǧy Ridder qalasynyŋ jyluı jüielerın jöndeuge 8 milliard teŋgeden astam qarjy böldı. Būl turaly QR Ükımetı tiıstı qauly qabyldady, dep habarlaidy “Adyrna” ūlttyq portaly.
Qaulyǧa säikes, 2023 jylǧa arnalǧan respublikalyq biudjette közdelgen Ükımet rezervınen kezek küttırmeitın şyǧyndarǧa Şyǧys Qazaqstan oblysynyŋ Ridder qalasyna jalpy somasy 8 milliard 400 million teŋgege juyq qarajat bölındı.
“Qarajattyŋ basym bölıgı qazandyqtar men jylu jelılerın kürdelı jöndeuge baǧyttalady. Sonymen qatar qarajat otyn beru galereiasy men aspirasiia jüiesın kürdelı jöndeuge jūmsalady”, – delıngen premer-ministr saitynyŋ habarlamasynda.
Eske salaiyq, 2023 jyldyŋ 23 nauryzynda Ridder JEO-daǧy №6 qazandyq janyndaǧy otyn beru galereiasynda kömır tozaŋy jarylysy bolǧan edı. Jarylys tolqyny şamamen 80 şarşy metrdı qūraityn qorşau qūrylymdaryn qiratyp, oblys kölemınde tötenşe jaǧdai rejimı jariialandy.
