Esırtkı qylmysyna qarsy ıs-qimyl basqarmasynyŋ qyzmetkerlerı jedel ıs-şaralar barysynda qala aumaǧynda psihotroptyq zattar qoiyp ketumen ainalysqan äieldı ūstady. Būl turaly Polisia.kz mälımdedı, dep habarlaidy “Adyrna” ūlttyq portaly.
“Jūmysqa” şyqqan avtoledi poliseilerdı baiqap, esırtkı oramynan tezırek qūtylu üşın, ony joldyŋ şetınde tūrǧan öz kölıgınıŋ astyna laqtyryp jıbergen. Jedel qyzmetkerler bumanyŋ ışınen bır rettık 20 doza “sintetika” tapty.
Ūstalǧan äiel kölıgınıŋ salonyn tekseru kezınde taǧy bır şaǧyn oram gaşiş tärkılendı. Būǧan qosa, oŋ jaq eden kılemşesınıŋ astynan qūpiia oryndardy qazuǧa arnalǧan pyşaq tabyldy, delıngen habarlamada.
Tergeuşıler būl jaitty QK-tıŋ 297-baby (Esırtkı, psihotroptyq zattardy, sol tektesterdı ötkızu maqsatynda zaŋsyz daiyndau, qaita öŋdeu, iemdenu, saqtau, tasymaldau, jöneltu ne ötkızu) boiynşa tırkedı. Onyŋ jaqynda ǧana medisina salasyndaǧy qyzmetınen ketkendıgı belgılı boldy.
Atalǧan jait boiynşa Eŋbekşı audandyq polisiia basqarmasy sotqa deiıngı tergeu amaldaryn jürgızıp jatyr. Küdıktı qamauǧa alyndy.
