Tört jyl būryn Maksim Spotkai Qazaqstannyŋ tūŋǧyş prezidentınıŋ aldynda söz söilegende, Nūrsūltan Nazarbaev ony maqtap, bolaşaqta respublika prezidentı boluǧa ümıtker atansa, taŋǧalmaimyn degen edı
Nur Otan partiiasy baspasöz qyzmetınıŋ basşysy bolyp Maksim Spotkai taǧaiyndaldy. Būdan būryn ol NUR Media holdingı bas direktorynyŋ orynbasary qyzmetın atqarǧan bolatyn.
Basqaruşy partiia baspasöz qyzmetınıŋ jaŋa basşysyn Nur Otan partiiasy töraǧasynyŋ bırınşı orynbasary Mäulen Äşımbaev tanystyrdy.
Sol kezde Elbasy daryndy qazaqstandyqty maqtap, memlekettık tıldı jetık meŋgeruı memleket basşysy lauazymyna kandidat boluǧa mümkındık beretının atap ötken bolatyn.
"Bıraz uaqyttan soŋ Mäke Qazaqstan prezidentı boluǧa kandidat atansa, qazaq tılın osyndai därejede bılgendıkten, eşkım taŋǧalmas edı", - degen edı Qazaqstannyŋ tūŋǧyş prezidentı tört jyl būryn.
28 jastaǧy Maksim Spotkai Pavlodar oblysy Aqsu qalasynda düniege kelgen. Eŋbek jolyn Nur Otan partiiasynyŋ Aqsu qalasyndaǧy filialynan bastady. Oǧan deiın "Jas Otan" jastar qanatynyŋ belsendısı bolyp, qazaq tılındegı gazettı basqarǧan edı. Jas qoǧam qairatkerı ärı "Qazaqstannyŋ 100 jaŋa esımı" jobasynyŋ finalisı retınde belgılı. Qazaq, orys jäne aǧylşyn tılderın jetık meŋgergen.
Maksim Spotkai 2015 jyly säuırde Qazaqstan halqy assambleiasynyŋ XXII sessiiasynda Nūrsūltan Nazarbaevtyŋ aldynda söz söilep, jūrtşylyqtyŋ esınde qaldy.
Sputnik
