Memleket basshysy Qasym-Jomart Toqaevtyń tapsyrmasymen Jambyl oblysyndaǵy rezıdenııa ǵımaraty «Móldir bulaq» oqý-saýyqtyrý ortalyǵy bolyp qaıta ashyldy.
Balalar ıgiligine negizdelgen ortalyqtyń saltanatty ashylýyna kópshilikpen birge Jambyl oblysynyń ákimi Nurjan Nurjigitov, QR oqý-aǵartý mınıstrligi balalardyń quqyqtaryn qorǵaý komıteti tóraǵasynyń orynbasary Batyrhan Joldas qatysyp, óz quttyqtaýlaryn bildirdi.
Qonaqtar aldymen ortalyqtyń alleıasynda ázirlengen balalardyń qolóner, sýret kórmelerimen tanysyp, túrli sporttyq sharalaryn jáne konerttik baǵdarlamalaryn tamashalady.
Oblys ákimi óz sózinde el erteńi – búgingi balalarǵa barynsha kóńil bólý, qoldaý, jaǵdaı jasaý – memleket saıasatynyń basym baǵyttarynyń biri ekendigin atap ótti.
- El Prezıdentiniń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyn iske asyrý maqsatynda oblysymyzda aýqymdy jumystar atqarylýda. Baǵdarlamada respýblıka boıynsha «50 balalar saýyqtyrý lagerin qurý» mindeti kózdelgen.
Osy oraıda, Memleket basshysy 5 óńirdegi rezıdenııany balalardyń ıgiligine berýdi tapsyrǵan bolatyn. Atalǵan tapsyrma aıasynda búgin mine «Móldir bulaq» oqý-saýyqtyrý ortalyǵynyń ashylý saltanatynyń kýá bolyp otyrmyz.
Nysan – jyl boıy jumys júrgizetin aımaqtaǵy alǵashqy oqý-saýyqtyrý ortalyǵy.
Balalar bul ortalyqqa jaz mezgilinde 12 kúndik, basqa kezeńderde 24 kúndik saýyqtyrýmen qamtylatyn bolady.
Bul bastama – memleket tarapynan balalardyń bolashaǵy úshin jasaǵan qamqorlyǵy.
Balalardyń bolashaǵy men densaýlyǵy – memleket úshin negizgi basymdyqtardyń biri. Bolaǵashaǵynan úmit kúttiretin balalardyń birqatary osy ortalyqtyń alǵashqy qarlyǵashtary atanǵaly tur dep senemin.
Barshańyzdy búgingi qýanyshty sátpen shyn júrekten quttyqtaımyn,-dedi Nurjan Nurjigitov.
Óz kezeginde QR oqý-aǵartý mınıstrligi balalardyń quqyqtaryn qorǵaý komıteti tóraǵasynyń orynbasary Batyrhan Joldas, oblystyq ata-analar qoǵamdyq keńesiniń tóraǵasy Rınat Nuraqbaev ta izgi lebizin jetkizdi.
Budan soń kópshilik nazaryna konerttik baǵdarlama usynylyp, «Móldir-bulaq» oqý-saýyqtyrý lageriniń týy kóterildi. Qonaqtar ortalyqty aralap, jaǵdaıymen tanysty.
Aıta keteıik, aýmaǵy 10 gektardy quraıtyn ortalyqta balalardyń demalysy úshin barlyq jaǵdaı jasalynǵan. Atap aıtqanda, zamanaýı qural-jabdyqtarmen qamtylǵan oqý kabınetteri, sport alańshalary men úıirme bólmeleri, 5 mezgil ystyq tamaqpen qamtamasyz etiletin arnaıy ashana qarastyrylǵan.
Sondaı-aq, ortalyq aýmaǵynda balalardyń serýendep, tynys alýyna arnalǵan shaǵyn toǵaı bar.
Lagerdiń ár kezeńinde Taraz qalasy men 10 aýdannyń besinshi jáne toǵyzynshy synyp aralyǵyndaǵy 50 oqýshydan demalady. Onyń ishinde, ınklıýzıvti balalarǵa da aıryqsha nazar aýdarylady.
Balalar bul ortalyqta jaz mezgilinde 12 kúndik, basqa kezeńderde 24 kúndik saýyqtyrýmen qamtylady.
Jalpy, bıylǵy jaz mezgilinde oblystaǵy 9 saýyqtyrý lagerinde 9 014 bala demalýda.
