«Slava UKRAЇNI» qaiyrymdylyq qory zaŋdy türde tırkeldı. Būl turaly qor basşysy Tūrarbek Qūsaiynūly aitty, dep habarlaidy «Adyrna» tılşısı.
«İä, däl qazırgı uaqytta azat Ukrainaǧa barlyq örkeniettı elder resmi kömek berude,bıraq būl qarjylyq kömek negızınen zamanaui qaru-jaraq pen Ukraina qaruly küşterıne qoldau retınde bolyp jatyr. Öitkenı Otanyn basqynşylardan qorǧaǧan Ukraina äskerilerı men sarbazdary memlekettıŋ negızgı qorǧauşysy bolyp tabylady. Al aqiqatynda täuelsızdıktı aŋsaǧan Ukrainada milliondaǧan adam üilerınen, jyldar boiy jinaǧan dünielerınen aiyryldy jäne qanşama jetım-jesır men büldırşın säbiler Resei snariadtary men İran drondarynyŋ kesırınen äke-şeşesız tūl jetım häm mügedek boldy. Äsırese, maidan şebındegı jäne azat etılgen aumaqtardaǧy adamdarǧa öte qiyn. Qūrmettı Otandastar! Barşaŋyzdy taǧdyry qazaqqa öte ūqsas erjürek Ukraina halqyna Qazaq elınıŋ atynan atalmyş gumanitarlyq baǧytta kömek körsetetın qaiyrym qordy bırauyzdan qoldauǧa şaqyramyn!»—dedı ol.
