Kandidattar debaty. Poroşenko men Zelenskii ne aitty?

Debatty bastaǧan Zelenskii «2014 jylǧy sailauda Petr Poroşenkoǧa dauys bergenın, bıraq onysy qate bolǧanyn» aitty. Ol «därı-därmek jetpei, jol joq bolsa, ol qandai reforma» dep, qazırgı Ukraina prezidentınıŋ jūmysyn synady. Al ekınşı bolyp söz alǧan Petr Poroşenko «būl debatqa äzer jettık, öitkenı Zelenskii myrza bızden, halyqtan jasyrynyp keldı» dedı. Ol Zelenskiidıŋ el basqara alatynyna kümänı bar ekenın bıldırdı. Poroşenko «būl kandidat älsız, Putinnıŋ soqqylaryn kötere almaidy» dedı. Ukrainanyŋ qazırgı prezidentı Petr Poroşenko «2014 jyly Ukrainany prezident retınde qabyldap alǧan kezde elde altyn rezervı bos bolǧan, el qazynasynda aqşa joq, äsker de joq edı» dedı. Ol Zelenskiidı «elde soǧys bolyp jatqanda sen Reseidıŋ aqşasyna kino tüsırıp, Ukrainany mazaqqa ainaldyryp jürgensıŋ» dep aiyptady. Al Zelenskii Poroşenkodan «DNR men LNR aimaǧynda (Ukrainanyŋ şyǧysyn basyp alǧan reseilık separatisterdıŋ moiyndalmaǧan respublikasy – red.) «Roşen» (Petr Poroşenkoǧa tiesılı konditerlık kompaniia – red.) konfetterı satylyp jatqany ras pa?» dep sūrady. Ukraina prezidentı mūny «jalǧan» dedı. Poroşenko Zelenskiiden «serıktesıŋız (milliarder İgor Kolomoiskii – red.) «Privatbanktegı» qarjyny ūrlap ketkenı üşın onyŋ qolyn kesesız be?» dep sūrady. Zelenskii būl saualǧa «aiypty bolsa jauap beredı, bärı türmege otyrady» dedı. Debat kezınde Zelenskii Poroşenkonyŋ «Ukrainany bes jyldan soŋ qalai elestetesız?» degen sūraǧyna «Ukraina Europaǧa bet aldy, sol üşın qanyn töktı. Eger halyq menı garant dep qoldasa, oǧan daiynmyn. Men prezidenttık qyzmette tek bes jylǧa ǧana otyram. Qaita sailanbaimyn» dep jauap berdı. Būdan soŋ söz alǧan Poroşenko «Piatyi kanaldy» (Poroşenkoǧa tiesılı telearna - red) ädıldıktı aitatyn, jurnalisterge qolaily oryn dep sipattady. Ol «1+1 arnasyn» (milliarder Kolomoiskiidıŋ jekemenşık telearnasy - red) «jalǧan aqparat taratumen ainalysady» dep aityptady. Debattyŋ bıraz bölıgı Petr Poroşenko men Vladimir Zelenskiidıŋ emes, Poroşenko men Kolomoiskii arasynda ötkendei äser qaldyrdy. Prezident sözınıŋ köp bölıgın milliarderdı aiyptauǧa arnady. İgor Kolomoiskii men şoumen Vladimir Zelenskiidıŋ qarym-qatynasy turaly aqparat qūraldary jiı jazady. Poroşenko «sız Şeşenstan prezidentı Ramzan Qadyrovty mazaqtap, artynan keşırım sūrap edıŋız. Al Ukraina halqynan jezökşege teŋep, ünemı mazaqtaisyz, sol üşın qaşan keşırım sūraisyz ba?» dedı. Zelenskii «Qadyrovpen eşqaşan kezdespegem» dedı de, «soǧysta balasyn joǧaltqan anadan, äkesın joǧaltqan baladan, bükıl Ukraina halqynan keşırım sūrauǧa qaşan da äzırmın» dep, tızerlep otyrdy. Zelenskii «sız 98 jyldan berı şeneunıksız. Bıraq keiın oligarh bolyp kettıŋız» dep, Poroşenkonyŋ käsıbıne kümänmen qaraitynyn aitty. Zelenskii «Petr Poroşenkonyŋ jetıstıgı az emes – tıl, äsker, Europa odaǧymen vizasyz rejim. Bıraq būl jetıstıkterdı ol özıne menşıktep alǧysy keledı. Menıŋ oiymşa, ukrain tılı sızge deiın myqty bolǧan, al Europamen vizasyz rejim – sızge deiıngı diplomattardyŋ da eŋbegı. Äsker – Ukraina halqynyŋ, erıktılerınıŋ erlıgı. Būl jüienı özgerte alatynymyzǧa senem. Al sız bızdıŋ bes jylymyzdy ūrladyŋyz» dedı. Poroşenko «Sız talantty aktersız, jaqsy prodiuserlık kompaniia qūrdyŋyz, jaqsy tele önım jasadyŋyz. Bıraq sız – elden qaşyp ketken jalǧyz oligrahtyŋ (Kolomoiskii aitady– red.) adamysyz. Kolomoiskii, nege halyqtan aqşaŋyzdy jasyrasyz, nege tyǧylasyz? Zelenskiidıŋ jaqtastary, sızder 21 säuır künı memlekettı Putin men Kolomoiskiidıŋ talauyna bermeulerıŋızdı sūraimyn» dedı. Debat erejesı boiynşa är kandidat 5 minut kırıspe söz söiledı jäne 36 minut sūraq-jauap kezeŋın ötkızdı. Odan keiın qorytyndy sözge 5 minut berıldı. «Olimpiiskii» stadionynda ekı sahna qūrylǧan jäne kandidattardyŋ qoldauşylary da sol ekı sahnanyŋ maŋyna toptasty. Debat bastalarǧa bırer minut qalǧanda Petr Poroşenko Vladimir Zelenskiidıŋ sahnasyna bardy. Ekı ümıtker bır-bırıne jyly şyrai tanytyp, qol alysty.

• Sailaudyŋ ekınşı kezeŋıne ötken soŋ Zelenskii Poroşenkony debatqa şaqyrǧan. Poroşenko bırden kelısım bergen. Debat 14 säuırge belgılengen. Kievtegı «Olimpiiskii» stadiony debat ötetın jer retınde taŋdalǧan.
• 14 säuırde Poroşenko debatqa kelgen. Bıraq Zelenskii «debatty öz maqsatyna paidalanǧysy keletın küşter bar» dep stadionǧa kelmedı. Poroşenko stadionǧa kelgen jaqtastarynyŋ aldynda söz söilep, jurnalisterge sūhbat bergen. Keiın ekı kandidattyŋ komandasy debatty 19 säuırde ötkızuge uaǧdalasqan.
• 31 nauryzda Ukrainadaǧy sailauda Zelenskii 30 paiyz, Porşenko 15 paiyz dauys jinap, ekınşı turǧa ötken. Kiev halyqaralyq institutynyŋ saualnamasynyŋ nätijesı boiynşa, ekınşı kezeŋde sailauşylardyŋ 72 paiyzy Zelenskiige dauys beruge daiyn.
• Sailaudyŋ ekınşı kezeŋı 21 säuırde ötedı.

"Azattyq" radiosy