Prezidenttık jastar kadrlyq rezervıne ötınım qabyldanady. Kadr rezervıne jaŋa rezervşıler salalyq qajettılıktı eskere otyryp ırıkteledı.
Būl turaly QR Memlekettık qyzmet ısterı agentıgınıŋ Almaty oblysy boiynşa departament basşysynyŋ m.a Ashat Takebaev brifing barysynda aitty.
Spikerdıŋ aituynşa, ırıkteu talaptary jasy 35-ten aspaǧan, joǧary bılımı jäne 5 jyl jalpy jūmys täjıribesı bar, memlekettık tıldı meŋgergen QR azamaty qatysa alady.
Baspasöz-mäslihaty barysynda qatysuşylar 6 negızgı sala boiynşa 6 kezeŋnenen ötu mındettı ekenı aityldy.
Atap aitsaq:
* rezervke ırıkteuge qatysu üşın kandidattar qūjattar qabyldanuynan ötu;
* mätındık jäne sandyq aqparatpen jūmys ısteu qabıletın baǧalau;
* situasiialyq tapsyrmalardy şeşu;
* assessment-ortalyǧy men qūzyretter boiynşa sūhbat;
* sarapşylyq komissiiasynda kandidattarmen äŋgımelesu.
Sondai-aq, biyl ümıtkerler ūlttyq komissiia sūhbatynan ötedı.
«Memleket basşysynyŋ tapsyrmasy boiynşa Prezidenttık jastar kadr rezervıne ırıkteu ekı jylda bır ret ötedı. 2019 jäne 2021 jyldary rezervke alynǧan 350 adamnyŋ 264-ı memlekettık organdarda jūmys ısteidı. Al Almaty oblysynda 2019 jyldyŋ körsetkışı boiynşa 800 adam ötınım berse, onyŋ üşeuı rezrvke ötıp, qazırgı taŋda qyzmet atqaruda. Negızı Prezidenttıŋ kadrlyq rezervıne qabıletı jetken kez kelgen jastyŋ ılıgu mümkındıgı bar», – deidı Ashat Takebaev.
Brifing soŋynda spiker jastardy ırıkteuge belsendı qatysuǧa şaqyryp, käsıbi memlekettık qyzmetşılerdıŋ jaŋa legın qalyptastyru maŋyzdylyǧyn aitty.
Aita ketu kerek, rezervke ırıkteuge qatysu üşın kandidattardyŋ qūjattaryn qabyldau 2023 jyldyŋ 1-30 qyrküiegı aralyǧynda pkrezerv.gov.kz arnaiy aqparattyq jüiesınde jäne onlain rejimde jüzege asyrylady.
"Adyrna" ūlttyq portaly
