Almaty oblysyndaǧy Ūiǧyr audanynyŋ atyna qatysty osydan bır jyl būryn post jazǧanmyn. Sodan berı jaǧdaidy saraptai kele oiym edäuır özgerıp, būl taqyrypty basqa qyrynan tüsıne bastadym. Sävet Odaǧy tarqaityn tūsta, kommunister bükıl odaqta ärtürlı avtonomiialar qūryp, baiau jarylatyn bomba tastap kettı. Bır-bırımen tuyspaityn qanşama halyqty bır avtonomiiaǧa bırıktırıp, bolaşaqta tübı bır qyrqysatyndai qylyp qoidy. Ūiǧyr audany da tura sondai maqsatpen qūrylǧan. Odaq bıraq tarqap kettı de, olardyŋ būl jymysqy jospary ıske aspai qaldy.
«Ūiǧyr audanynyŋ aty sol küiı qalǧany sızderge kerek pe?» dep, Almatydaǧy qanşama ūiǧyrdan sūrap kördım. Ūiǧyr audanynyŋ atyn kerek etıp tūrǧan ūiǧyr joq. Olarǧa tynyştyq pen beibıt ömır köbırek kerek eken. Oilana kele, audannyŋ atyn özgertkennen qazaq qazır ūtpaitynyn, ūtylyp qalatynyn tüsındım. Nege deisız ǧoi? Keiıngı aida osy audannyŋ atyn özgerteiık dep belsenıp, sodan saiasi ūpai jinaǧysy keletın piǧyl baiqalyp jür. Oǧan köp adam arandap qalyp jatyr. Keibıreuı zakazben jūmys ıstep jürgendei äser qaldyrdy. Qytaida qazır qazaqtyŋ bır avtonomiialy oblysy men qazaqtar tūratyn üş bırdei audan bar. Eger bız Ūiǧyr audanynyŋ atyn özgertsek, qytailar da bızden körıp ıstegendei bolyp, Qytaidaǧy älgı oblys pen audannyŋ atyn özgertıp jıberıp, ondaǧy qazaqtarǧa taǧy qysym körsete bastauy mümkın eken. Osy mäselede tym üstırt oilamai, jetı ret ölşep baryp, bır ret kesken jön. Ūiǧyr audanynyŋ atynda tūrǧan eşteŋe joq. Bolaşaqta ol bärıbır özgeredı. Ol bügın bolmasa da, erteŋ tübı bır bolady, tübı bır auysady. Bıraq däl qazır Qytaidyŋ da arydan oilaityn osyndai jymysqy saiasatynyŋ jetegınde ketıp qalyp, ökınıp qalyp jürmeiıkşı degen oi edı..
Jolymbet Mäkış
Avtordyŋ pıkırı redaksiia közqarasyn bıldırmeidı.
