Eldıŋ esın şyǧarǧan sūmdyq jaidyŋ jai-japsary bırtındep belgılı bola bastaǧandai. Qaratau qalasynda azǧyn aituǧa auyz barmaityn aiuandyq äreketpen oiyn balasyn örtep jıberuı mümkın. Tügı qalmai tügel örtengen mäiıtke tärtıp saqşylarymen saraptama taǧaiyndaldy. Tabylǧan mäiıttı tuys-tamyrlary künı keşe ıs-tüssız joǧalǧan segız jastaǧy Aruai esımdı qyz balasy dep topşylaidy. Jaǧa ūstatqan jaǧdai Qaratau qalasynyŋ şetkı bölıgınde bolǧan. Bır kün būryn osy qalada D. Qonaev atyndaǧy mekteptıŋ ekınşı synyp oquşysy joǧalǧanyn aityp anasy aryzdanǧan eken. Bi üiırmesınen şyqqan balaqai sol küiı üiıne oralmaǧan. Qūramynda tärtıp saqşylary, tötenşelıkter, ūstazdar jäne erıktıler bar jetpıske juyq adam şaǧyn şahardy tügel tıntıp bügın qala maŋynan örtengen mäiıttı tapqan. Alaida otqa oranǧan denenıŋ kımdıkı ekenı älı anyqtalmady. Degenmen anasy küiıkten qalǧan köilek qyzynykı ekenın rastapty. Qyzyl jalynnan denenıŋ sau tamtyǧy qalmaǧany sonşalyq, arnaiy sot saraptamasy bolmai marqūmnyŋ kım ekenın aŋǧaru qiyn. Jambyldyq jurnalisterdı jiyp brifing ötkızgen öŋırdıŋ bas poliseiı būl ıs tıkelei Işkı ıster ministrı men Jambyl oblysy äkımı Asqar Myrzahmetovtyŋ qataŋ qadaǧalauynda ekenın aityp öttı.
Arman ORAZALİEV, JAMBYL OBLYSTYQ POLİSİIа DEPARTAMENTINIŊ BASTYǦY
Anyqtalǧandai 2010 jyly tuylǧan Aruaidyŋ bimen şūǧyldanuǧa ünemı atasy alyp baryp jürgen. Alaida däl osy künı ol üiıne jalǧyz qaitqan. Bügın saǧat 11 şamasynda kämeletke tolmaǧan Aruaidy ızdestıru barysynda Qaratau qalasy maŋynan belgısız bıreudıŋ mäiıtı tabyldy. Anasy mäiıttıŋ kiım qaldyqtaryn qyzynykı ekenın boljady. Barlyq ata-analarǧa balalaryn qarausyz qaldyrmaudy sūraimyn. Olar joǧalyp ketuı nemese qylmystyq qolsūǧuşylyqtyŋ qūrbany boluy mümkın.
Darina ILİIаS,
“Jambylmedia.kz”
