Eŋbek jäne äleumettık qorǧau ministrlıgı Astanaǧa köşıp keluşıler sanyna şekteu qoiu mäselesın qarastyryp jatyr. Qazır arnaiy zaŋnamaǧa tüzetuler men özgerıster engızu jaǧy talqylanuda, dep habarlaidy "Adyrna" ūlttyq portaly.
Astana halqyn jaryq, su, jylumen qamtamasyz etu mäselesı kün tärtıbınen tüspei tūr. Endı Astanaǧa kırıp-şyǧu, köşıp kelu mäselesı ministrlıkte qarastylyp jatyr. Būǧan qatysty QR Eŋbek jäne halyqty äleumettık qorǧau ministrlıgı, komitet töraǧasy Asqarbek Ertaev:
Derekterge sensek, qazır Astanada 1 million 367 myŋ adam tūrady. Onyŋ 52 prosentı – äiel, 47 paiyzy – er adam. Olardyŋ ortaşa jasy – 30. Qalaǧa jūmys ızdep kelgenderdıŋ köbı qūrylys salasynda jūmys ısteidı.
Astana qalasynyŋ Säulet, qala qūrylysy jäne jer qatynastary basqarmasy basşysynyŋ orynbasary Aian Smaǧūlov būdan bır ai būryn qala halqynyŋ artuyn qataŋ türde şekteu tiımdı şeşımderge äkelmeitının aitqan bolatyn.
"Qazır Astanaǧa kımnıŋ kırıp, kımnıŋ kıre almaityndyǧyn anyqtau boiynşa migrasiia mäselesı talqylanyp jatyr. Özgerıster men tolyqtyrular engızılude. Jūmys toby barlyq sūraqtardy qamtityn bolady. Qyrküiekte alǧaşqy mälımetterdı aitatyn bolamyz", - dep pıkır bıldırdı.
- Bas josparda keleşekte qalanyŋ damuyna äser etuı mümkın ekonomikalyq, äleumettık, saiasi jäne özge de faktorlardy keşendı taldau negızınde qala ömırınıŋ yqtimal täuekelderı men jaǧymsyz prosesterın barynşa azaitu üşın jobalyq ūsynystar äzırlenedı. Onyŋ ışınde elordadaǧy halyq ösımınıŋ joǧary qarqyny eskerıledı. Ükımet Astana äkımdıgımen bırlesıp elordada köşı-qon prosesterın şeşudıŋ ūtymdy ädısterın ızdeu boiynşa jūmys jürgızıp jatyr. Qataŋ şekteu jäne tyiym salu şaralaryn belgıleu köşı-qon aǧyndaryn baqylaudy şeşuge äkelmeidı.Esterıŋızge sala keteiık, Astanaǧa keluşılerdı şekteu mäselesı Kölgınovtyŋ kezınde de "köterılgenın" jazǧanbyz. Zamanynda Altai Kölgınov te bas qalaǧa köşıp keluşıler sanyna şekteu engıluı mümkın ekenın aitqan. Oǧan basty sebebı retınde su men jaryqtyŋ jetpeitının aityp, äleumettık jäne injenerlık infraqūrylymǧa mölşerden tys kölemde auyr salmaq tüsetının mälımdegen. Al demograftar migrasiiany retteuge kelgende Astanadaǧy halyq sanyn şekteu adam qūqyqtaryn taptaumen teŋ ekendıgın aitady.
"Adyrna" ūlttyq portaly
Ūqsas jaŋalyqtar
