Qyrǧyzstannyŋ Mädeniet, aqparat, sport jäne jastar saiasaty ministrlıgı el aumaǧynda TikTok jelısın būǧattau turaly şeşım şyǧardy. Būl turaly basqarmanyŋ baspasöz qyzmetı aitty, dep habarlaidy «Adyrna» tılşısı.
Ministrlık bırqatar ükımettık emes ūiymnan balalardyŋ psihikalyq damuy men densaulyǧyna kerı äserın tigızetın TikTok äleumettık jelısınıŋ ziiandy äserı turaly jiı şaǧymdar tüskenın atap öttı.
«TikTok qysqa videolarymen körıp otyrǧan adamdy virtualdy älemge alyp ketedı. Al sol beinejazbany körgen jasöspırımder ony qaitalauǧa tyrysady. Keibır video ömırge qauıp töndıredı. Balalardyŋ psihikasy älı de tūraqsyz, ol endı ǧana qalyptasyp keledı jäne mūndai mazmūn täueldılık tudyryp, jas ūrpaqtyŋ emosionaldyq jaǧdaiyna kerı äser etedı»,—dedı basqarma.
Köptegen ötınıştı eskere otyryp jäne jürgızılgen monitoring negızınde Mädeniet, aqparat, sport jäne jastar saiasaty ministrlıgı Qyrǧyz Respublikasynyŋ aumaǧynda TikTok qyzmetın taratu qyzmetın toqtatu turaly şeşım qabyldady.
