Mońǵolııaǵa memlekettik saparmen kelgen Rım Papasy Franısk Mońǵolııa Prezıdenti Ý.Húrelsúhke Uly Mońǵolııa Imperııasynyń hany Kúıiktiń Vatıkannyń qupııa muraǵatynda saqtalǵan hatynyń sapaly resmı kóshirmesin tabys etti. Bul týraly MONAME jarııalady, dep habarlaıdy “Adyrna” ulttyq portaly.
«Ejelgi zamanda, 777 jyl buryn, 1246 jyly Rım Papasynyń elshisi, dinı qyzmetker Djon Plano Karpını Mońǵol ımperııasynyń úshinshi Uly hany Kúıikke baryp, Rım Papasy IV Innokentııdiń hatyn tapsyrǵan.
Kóp uzamaı hannyń mórimen eski mońǵol áripterimen jazylǵan sózderi jáne ártúrli tilderge aýdarmalary bar jaýap hat jiberildi. Ol qazir Vatıkannyń qupııa muraǵatynda saqtaýly. Búgin men osy hattyń sapaly, zamanaýı, resmı kóshirmesin syı retinde saltanatty túrde tabys etemin. Bul syılyq búgin kúnnen-kúnge keńeıip kele jatqan dostyqtyń sımvolyna aınalsyn», - dedi Papa Franısk jurtshylyqqa arnaǵan sózinde.
