Memleket basşysy Almatydaǧy merekelık şaralarǧa qatyssa, Elbasy 1 mamyr meiramyn Nūr-Sūltanda atap öttı
Qazaqstannyŋ tūŋǧyş prezidentı – Elbasy Nūrsūltan Nazarbaev pen memleket basşysy Qasym-Jomart Toqaev qazaqstandyqtardy 1 mamyr – Qazaqstan halqynyŋ bırlıgı künımen qūttyqtady.
Nūrsūltan Nazarbaev meiramdy elordada atap öttı. Ol Qazaq elı monumentıne gül qoiyp, halyq aldynda qūttyqtau söz söiledı.
"Bız – baqytty halyqpyz. Bırlıgımızdı saqtap, täuelsızdıgımızdı qūrmetteuımız kerek. Damu baǧdarlamalarymyzdy jüzege asyru elımızdıŋ bolaşaǧyn odan ärı jarqyn ete tüsedı. Är üige, är otbasyna bereke, baqyt, amandyq jäne erteŋgı künge degen senımdılık tıleimın. Meiramdaryŋyzben!"– dedı Elbasy.
Memleket basşysy Toqaev Almatyǧa jūmys saparymen baryp, meiramdy tuǧan qalasynda atap ötude.
"Qymbatty almatylyqtar, Almaty – tarihtaǧy orny erekşe qala. Däl osy jerde 1986 jyldyŋ jeltoqsan aiynda būrynǧy Keŋes Odaǧy respublikalarynyŋ ärı qarai damuyna äser etken oqiǧa boldy. Osy qalada täuelsızdıgımızdıŋ deklarasiiasy qabyldandy. Köptegen qazaqstandyq pen bükıl eldıŋ taǧdyry Almatymen tyǧyz bailanysty. Köktemnıŋ şuaqty künınde özım tuyp-ösıp, bılım alǧan, Qazaqstannyŋ täuelsızdıgı üşın qyzmet ete bastaǧan tamaşa qalada bolu men üşın ülken qūrmet ärı ǧanibet", - dep Toqaev oŋtüstık astana tūrǧyndaryn qūttyqtady.
Toqaev Elbasy 29 säuırde Qazaqstan halqy Assambleiasynyŋ sessiiasynda aitqan sözderdı qaitalap, qazaqstandyqtar auyzbırşılıkte eŋbek etıp, myqty ärı damyǧan memleket qūra alatynyn atap öttı.
"Bırlık künımen qūttyqtaimyn. Ärqaisyŋyzǧa baq-bereke, jaŋa jetıstıkter tıleimın. Qalamyz körkeie bersın!", - dep sözın aiaqtady prezident.
Sputnik
