IIM: "Mitingıde halyqqa erkındık berıldı"

Işkı ıster ministrlıgınıŋ ökılderı Qazaqstan qalalaryndaǧy mitingılerge qatysty pıkır bıldırdı. Būl turaly vedomstvonyŋ baspasöz qyzmetı habarlady.

"1 mamyrda Nūr-Sūltan, Almaty, Semei, Qaraǧandy jäne Aqtöbe qalalarynda Bas prokuraturanyŋ resmi habarlamasyna qaramastan, sanksiialanbaǧan mitingıler men tūrǧyndar jinaldy. Aksiiaǧa qatysuşylarǧa özderınıŋ ūstanymdary men äleumettık jäne basqa da problemalyq mäseleler boiynşa pıkırlerın erkın jäne aşyq bıldıruge mümkındık berıldı", - delıngen IIM habarlamasynda. "Alaida Nūr-Sūltan jäne Almaty qalalarynda jinalǧandardyŋ ışınen bırqatar adam özderın agressiialyq türde ūstap, tyiym salynǧan "DVK" ekstremistık ūiymynyŋ ūrandaryn aiqailap aityp, qoǧamdyq tärtıptı būzdy. Osyǧan bailanysty äkımdıkter men prokuratura ökılderı beibıt mitingıler, jinalystar men şeruler ötkızu tärtıbı turaly zaŋnamanyŋ erejelerın tüsındırdı. Jekelegen azamattar zaŋsyz äreketterdı toqtatu turaly talaptarǧa baǧynbady. Sodan keiın polisiia küşımen qoǧamdyq tärtıptı qalpyna keltıruge jäne tärtıp būzuşylardy ūstau şaralary qabyldandy". IIM mälımetınşe, elordada jäne Almatyda polisiia bölımderıne 80 adam jetkızıldı. "Olardyŋ äreketterıne zaŋda belgılengen tärtıppen qūqyqtyq baǧa berıledı. Işkı ıster ministrlıgı azamattarǧa arandatuşylyqqa berılmeuge jäne Qazaqstan Respublikasynyŋ zaŋnama talaptaryn saqtauǧa şaqyrady", - delıngen habarlamada.