Bügın Ortalyq sailau komissiiasynyŋ lingvistikalyq komissiiasy prezidenttıkke ümıtker segızınşı adam - Jūmatai Älievten alynǧan tıl emtihanynyŋ qorytyndysyn jariia ettı. Ol 13 söilemnen 19 qate jıbergen eken.
OSK janynan qūrylǧan QR prezidenttıgıne ümıtkerdıŋ memlekettık tıldı meŋgeru deŋgeiın anyqtaityn lingvistikalyq komissiia bügın ümıtkerlıkke ümıtker Jūmatai Äliev qazaq tılın erkın meŋgermegen degen qorytyndy jasady.
«Bügın «Halyq demografiiasy» qoǧamdyq bırlestıgınen prezidenttıkke ümıtker retınde ūsynylǧan Jūmatai Äliev emtihanǧa berılgen uaqytyn tolyq paidalandy. Komissiia barlyq kezeŋderdı jan-jaqty talqylady», dedı komissiia müşesı Ädıl Ahmetov.
Jūmatai Äliev «Memleket jäne dın» taqyrybynda şyǧarma jazǧan. Komissiia qorytyndysyna sensek, Äliev öz şyǧarmasynda taqyrypty mülde aşa almaǧan eken. Oǧan qosa, ekınşı kezeŋde Äuezovtıŋ «Abai joly» romanynan üzındı oqyǧan. Äliev ony da qatyrmapty. Üşınşı kezeŋde «Yrys aldy - yntymaq» taqyrybynda baiandama jasaǧan. Baiandamasyy da üstırt jasalǧan. Al bırınşı kezeŋde jazǧan şyǧarmasyndaǧy 13 söilemnen 19 qate jıbergen. OSK janynan qūrylǧan lingvistikalyq komissiiasy qorytyndysy osyǧan saiady.
Sonymen prezidenttıkke ümıtker retınde OSK-ǧa qūjat tapsyrǧan barlyq ümıtker memlekettık tıl emtihanyn tapsyruǧa mındettı. Osyǧan deiın Qasym-Jomart Toqaev bastaǧan barlyq ümıtkerler būl emtihandy tapsyrǧan. Salystyru üşın özgelerdıŋ emtihanyna köz jügırtkendı jön kördık. Kım-qalai jazdy?
Memlekettık tıl emtihany üş kezeŋnen tūrady: taqyryp boiynşa jazbaşa tapsyrma jazu, mätın oqu jäne lingvistikalyq komissiia bergen taqyrypqa säikes köpşılık aldynda kemınde 15 minut söileu.
Qasym-Jomart Toqaev
Ol memlekettık tıl emtihanynan 23 säuır künı öttı.
Bırınşı kezeŋde – «Abai Qūnanbaiūlynyŋ poeziiasy men qara sözderı» taqyrybynda esse jazdy.
Ekınşı kezeŋde – Şerhan Mūrtazanyŋ «Myŋbūlaq» kıtabynan üzındı oqydy.
Üşınşı kezeŋde – «Qazırgı Qazaqstannyŋ geosaiasaty» taqyrybynda öz oiyn 15 minutta auyzşa aityp berdı.
Lingvistikalyq komissiia Toqaevtyŋ qazaq tılın jetık meŋgergenın, jazbaşy jūmysynyŋ mazmūny tereŋ aşylǧanyn, üzındını emosionaldy türde, mänerlep oqyp şyqqanyn, öz oiyn qazaqşa erkın jetkızgenın aityp, joǧary baǧalady.
Qorytyndyny habarlaǧan – Myrzatai Joldasbekov
Sädıbek Tügel
Ol memlekettık tıl emtihanynan 24 säuır künı öttı.
Bırınşı kezeŋde – «Täuelsız memleketter dostastyǧy – tarihy men bügını» taqyrybynda esse jazdy.
Ekınşı kezeŋde – Äbış Kekılbaevtyŋ «Dala balladalary» jinaǧynan üzındı oqydy.
Üşınşı kezeŋde – «Babalar sözı – danalyq közı» taqyrybynda öz oiyn 15 minutta aityp berdı.
Lingvistikalyq komissiia Tügeldıŋ jazbaşa jūmysta azdaǧan punktuasiialyq qateler jıbergenın, oqu kezınde ümıtker memlekettık tıldı erkın meŋgergenın, üşınşı tapsyrma boiynşa söz söileu mänerı joǧary ekenın atap öttı.
Emtihan qorytyndysy boiynşa Sädıbek Tügel memlekettık tıldı erkın meŋgergen degen qorytyndy şyǧardy.
Qorytyndyny habarlaǧan – Ǧarifolla Esım
Daniia Espaeva
Ol memlekettık tıl emtihanyn 26 säuır künı tapsyrdy.
Bırınşı kezeŋde – «Ūly Dalanyŋ jetı qyry» taqyrybynda esse jazdy.
Ekınşı kezeŋde – Mūqaǧali Maqataevtyŋ «Amanat» öleŋder jinaǧynan üzındı oqydy.
Üşınşı kezeŋde – «Qoǧam jäne demokratiia» taqyrybynda öz oiyn 15 minutta aityp berdı.
Lingvistikalyq komissiia qorytyndysy boiynşa Daniia Espaeva memlekettık tıldı erkın meŋgergenı turaly şeşım şyǧaryldy. Komissiia müşelerı onyŋ üş tapsyrmasyn da joǧary baǧalady.
Qorytyndyny habarlaǧan – Seiıt Qasqabasov
Amangeldı Taspihov
Ol memlekettık tıl emtihanyn 26 säuır künı tapsyrdy.
Bırınşı kezeŋde – «MPenıŋ elım» taqyrybynda esse jazdy.
Ekınşı kezeŋde – Qadyr Myrza Älınıŋ «Taŋdauly şyǧarmalary» jinaǧynan üzındı oqydy.
Üşınşı kezeŋde – «tıl taǧdyry – el taǧdyry» taqyryby boiynşa 15 minuttyq söztalqy jasady.
Lingvistikalyq komissiia Taspihovtyŋ jūmysyn jaqsy baǧalady. Söitıp tıldı erkın meŋgergen degen qorytyndy jasady.
Qorytyndyny – Ädıl Ahmetov baiandap berdı.
Töleutai Raqymbekov
Ol memlekettık tıl emtihanyn 27 säuır künı tapsyrdy.
Bırınşı kezeŋde – «Bızdıŋ küşımız - bırlıkte» taqyrybynda esse jazdy.
Ekınşı kezeŋde – Äuezovtıŋ «Abai joly» romanynan üzındı oqydy.
Üşınşı kezeŋde – «Elorda – täuelsızdık tūǧyry» taqyryby boiynşa öz oiyn 15 minutqa syidyryp aityp berdı.
Komissiia Töleutai Raqymbekov qazaq tılın erkın meŋgergen degen qorytyndy jasady.
Qorytyndyny Erden Qajybek oqyp berdı.
Jambyl Ahmetbekov
Ol memlekettık tıl emtihanyn 27 säuır künı tapsyrdy.
Bırınşı kezeŋde – «Ruhani jaŋǧyru» taqyrybynda esse jazdy.
Ekınşı kezeŋde – Iliias Esenberlinnıŋ «Qahar» romanynan üzındı oqydy.
Üşınşı kezeŋde – «El bırlıgı – eldıktıŋ arqauy» taqyrybynda söztalqy jasady.
Komissiia emtihanynŋ barlyq kezeŋderı boiynşa ümıtker memlekettık tıldı erkın meŋgergen degen qorytyndyǧa keldı.
Qorytyndyny Ǧarifolla Esım baiandap berdı.
Ämırjan Qosanov
Ol memlekettık tıl emtihanyn 29 säuır künı tapsyrdy.
Bırınşı kezeŋde - «Täuelsız memleketter dostastyǧy – tarihy men bügını» taqyrybynda esse jazdy.
Ekınşı kezeŋde – Qadyr Myrza Älınıŋ öleŋderın oqydy.
Üşınşı kezeŋde – «Öner bılım bar jūrttar...» taqyrybynda 15 minut söiledı.
Komissiia ümıtker Qosanovtyŋ barlyq tapsyrmany öte joǧary deŋgeide oryndaǧanyn atap öttı. Söitıp onyŋ memlekettık tıldı meŋgeru deŋgeiın joǧary baǧalady.
Qorytyndy baiandamany Myrzatai Joldasbekov jasady.
Nätijesınde bügın OSK-ǧa qūjat tapsyrǧan segızınşı ümıtker memlekettık tıl emtihanynan ötpei qaldy. Al OSK-ǧa qūjat tapsyru 28 säuır künı keşkı saǧat 18:00-de aiaqtalǧan edı. Endı Ortalyq sailau komissiiasy 11 mamyrǧa deiın osy qalǧan jetı ümıtkerdı tırkeidı. Onan keiın sailaualdy ügıt-nasihat jūmastary bastalady. Al sailau 9 mausym künı ötedı.
«Adyrna» ūlttyq portaly
