Qorǧanys ministrlıgınde äskeri parad jyl saiyn ötkızıluı tiıs degen reglament joq
Biyl Otan qorǧauşylar künıne arnalǧan äskeri parad bolmaidy. Qaruly küşterdıŋ bölımşelerı daiyndyqtaryn oqu-jattyǧu kezınde körsettı, dep habarlady QR Qorǧanys ministrlıgınıŋ baspasöz qyzmetı Sputnik Qazaqstan resmi saualyna.
Oqu-jattyǧu aiaqtalǧan soŋ, Qazaqstan prezidentı Qasym-Jomart Toqaev äskerdıŋ daiyndyǧyna joǧary baǧa berdı. Qaruly küşterdıŋ bedelın nyǧaita tüsu üşın memleket tarapynan qoldau körsetudı jalǧastyratynyn aitty.
"Otan qorǧauşylar künıne orai äskeri parad ötkızu josparlanyp otyrǧan joq",- dep jazylǧan Qorǧanys ministrlıgınıŋ jauabynda.
Biyl Qaruly küşter bölımşelerı paradynyŋ ornyna "Aibalta 2019" strategiialyq komandalyq-ştabtyq oqu-jattyǧuy öttı. Ol Almaty oblysyndaǧy "Qaratal" poligonynda ūiymdastyrylǧan bolatyn. "Äskeri şeruden bas tartudyŋ aitarlyqtai sebebı joq. Bızde şerudı jyl saiyn ötkızu kerek degen reglament joq. Biyl Qaruly küşter bölımşelerı paradynyŋ ornyna "Aibalta 2019" strategiialyq komandalyq-ştabtyq jattyǧuy öttı. Jattyǧu kezınde qazaqstandyq äsker özınıŋ küş-quatyn körsettı", - dedı Qorǧanys ministrlıgınıŋ baspasöz hatşysy Serık Boranbaev."Aibalta 2019" oqu-jattyǧuy
Biyl "Aibalta 2019" oqu-jattyǧuy auqymdy boldy. Oǧan segız myŋ äskeri qyzmetker, bır jarym myŋnan astam jerdegı tehnika men 50-den astam äue tehnikasy qatysty.Türlı öŋırlerden jinalǧan Qazaqstannyŋ Qaruly küşter bölımşelerı ekı apta boiy el aumaǧyna kırgen qaruly toptardy joiu boiynşa jattyǧyp, daiyndyqtaryn pysyqtady.
Sputnik.
