Qorǵanys mınıstrliginde áskerı parad jyl saıyn ótkizilýi tıis degen reglament joq
Bıyl Otan qorǵaýshylar kúnine arnalǵan áskerı parad bolmaıdy. Qarýly kúshterdiń bólimsheleri daıyndyqtaryn oqý-jattyǵý kezinde kórsetti, dep habarlady QR Qorǵanys mınıstrliginiń baspasóz qyzmeti Sputnik Qazaqstan resmı saýalyna.
"Otan qorǵaýshylar kúnine oraı áskerı parad ótkizý josparlanyp otyrǵan joq",- dep jazylǵan Qorǵanys mınıstrliginiń jaýabynda.
Bıyl Qarýly kúshter bólimsheleri paradynyń ornyna "Aıbalta 2019" strategııalyq komandalyq-shtabtyq oqý-jattyǵýy ótti. Ol Almaty oblysyndaǵy "Qaratal" polıgonynda uıymdastyrylǵan bolatyn.
"Áskerı sherýden bas tartýdyń aıtarlyqtaı sebebi joq. Bizde sherýdi jyl saıyn ótkizý kerek degen reglament joq. Bıyl Qarýly kúshter bólimsheleri paradynyń ornyna "Aıbalta 2019" strategııalyq komandalyq-shtabtyq jattyǵýy ótti. Jattyǵý kezinde qazaqstandyq ásker óziniń kúsh-qýatyn kórsetti", - dedi Qorǵanys mınıstrliginiń baspasóz hatshysy Serik Boranbaev.
"Aıbalta 2019" oqý-jattyǵýy
Bıyl "Aıbalta 2019" oqý-jattyǵýy aýqymdy boldy. Oǵan segiz myń áskerı qyzmetker, bir jarym myńnan astam jerdegi tehnıka men 50-den astam áýe tehnıkasy qatysty.
Oqý-jattyǵý aıaqtalǵan soń, Qazaqstan prezıdenti Qasym-Jomart Toqaev áskerdiń daıyndyǵyna joǵary baǵa berdi. Qarýly kúshterdiń bedelin nyǵaıta túsý úshin memleket tarapynan qoldaý kórsetýdi jalǵastyratynyn aıtty.
Sputnik.
