"ArselorMıttal Temirtaý" kompanııasyn basqa menshik ıesine berý týraly qaýesetterge Qaraǵandy oblysy ákiminiń birinshi orynbasary Vadım Basın túsinikteme berdi, dep habarlaıdy “Adyrna” ulttyq portaly Sputnik.kz basylymna silteme jasap.
Aqparat boıynsha, kompanııanyń ózge menshik ıeleriniń biri – reseılik "Severstal" kompanııasy. "Qazaqstan" kenishindegi órt týraly ótken brıfıngte Basınnen osy týraly suraǵan. Al Vadım Basın bul suraqqa sasqalaqtap, jaltara jaýap berdi.
Kóptegen qaýeset-áńgimeler tarap jatyr. Olar apta saıyn ózgerip otyrady. Qazirgi ýaqytta kompanııa jumysyn jalǵastyrýda. Kompanııanyń tehnıkalyq-ekonomıkalyq jaǵdaıynda kóptegen máseleler bar. Biraq qalǵanynyń bári kompanııanyń qalaı jumys isteıtinine, qandaı sheshimder qabyldanatynyna baılanysty bolady. Meniń oıymsha, kútýimiz kerek, - dedi Vadım Basın.
Eske salaıyq, "Qazaqstan" shahtasynda 17 tamyzda D6 kómir baýraıynda gorızont – 170 metr)konveıer lentasy órtengen bolatyn. 227 kenshiniń 222-si evakýaııalandy. 13 kenshi zardap shekti, beseýi qaza tapty.
Qazaqstannyń tótenshe jaǵdaılar mınıstri Syrym Sháriphanov brıfıngte órt 100 % jumys berýshiniń kinásinen bolǵanyn málimdegen bolatyn. Arnaıy qurylǵan úkimettik komıssııa birqatar saraptama júrgizgennen keıin osyndaı sheshimge keldi.
