Prezident Qasym-Jomart Toqaevtyŋ el parlamentı palatalarynyŋ bırlesken otyrysynda söilegen sözı, Qazaqstan halqyna Joldauynyŋ mätını - Qazaqstannyŋ keleşektegı maqsat-mındetterın aiqyndaityn maŋyzdy ärı saiasi qūjat ekenı sözsız.
Men elde bolyp jatqan prosesterdı köpten berı taldap kelemın, soŋǧy jyldary bırneşe ret Astanaǧa jolym tüstı. 2019 jylǧy prezidenttık sailauda halyqaralyq baqylauşy retınde jūmys ıstedım, sondyqtan demokratiialandyrudy damytu jäne keŋeitu boiynşa elımızdıŋ (Qazaqstannyŋ) ärbır jaŋa qadamyn damu, jaŋa qoǧam qūruǧa talpynys, azamattardyŋ türlı qajettılıkterın qanaǧattandyru jolyndaǧy ılgerıleu dep sanaimyn. Ärine, eldıŋ är tūrǧyny müddesıne äser etetın basty närse - eldıŋ saiasi transformasiiasy. Atalmyş prosesterı qalai jürıp jatyr, oǧan köptegen adamdar atsalysuy qajet. Qazaqstannyŋ jaŋa kezeŋı ötken jyldyŋ qaŋtar aiynan berı damyp kele jatqan azamattyq qoǧam qalaǧan özgerısterden bastaldy.
Bügınde mūndai qajam azamattardyŋ belsendı qatysuymen jüzege asyrylyp, qaitymsyz sipat aldy dep aituǧa bolady. Prezident Toqaevtyŋ sözderımen tolyq kelısemın. Jaŋa bastamalarǧa sai bilık tarmaqtary arasynda oŋtaily tepe-teŋdık qalyptasady, onda saiasi negız- prezidenttık respublikanyŋ myqty parlamentı bar model aiqyndalǧan. Būl formulada bilıktıŋ atqaruşy jäne zaŋ şyǧaruşy tarmaqtary barşanyŋ jäne ärbır qazaqstandyqtyŋ mūqtajdyqtary men tılekterın eskerıp, olardyŋ qyzmetın "halyq ünıne qūlaq asatyn memleket" qaǧidaty mazmūnymen jüieleu maŋyzdy. Osylaişa, azamattardyŋ memlekettık şeşımder qabyldauǧa qatysuy, tolyqqandy saiasi mädeniettıŋ ösuı men jan-jaqty qalyptasuy damidy. Toqaev öz joldauynda atap ötkendei, mūnyŋ barlyǧy qazırdıŋ özınde sapaly jaŋa deŋgeige köterıldı.
Joldauda saiasi reformalardan tabiǧi türde tuyndaityn josparlanǧan jäne jüzege asyrylatyn äleumettık-ekonomikalyq özgerısterge köp köŋıl bölınedı. Būl, sözsız, äleumettık aspekt ekenın atap ötu maŋyzdy. Joldauda qazırgı ekonomikalyq modeldıŋ közboiauşy jetıstıkterge emes, azamattardyŋ ömırın naqty jaqsartuǧa negızdelgenı. aitylǧan. Joldaudy oqi otyryp, eldıŋ ekonomikalyq damuy jönındegı barlyq josparlar tereŋ pysyqtalǧanyna, egjei-tegjeilı esepteulermen naqtylanǧanyna, däleldengenıne jäne naqty maqsat - eldıŋ örkendeuı men halyqtyŋ äl-auqatyn arttyruǧa baǧyttalǧanyna köz jetkızesız.
Būl sandar boiynşa jyl saiynǧy ekonomikalyq ösım 6-7 paiyzdy qūraidy, būl 2020 jyldardyŋ soŋyna qarai Ūlttyq ekonomika kölemın 450 milliard dollarǧa köterıp, ekı esege arttyruǧa mümkındık beredı. Maqsat tüsınıktı. El prezidentı Ädıl Qazaqstandy, teŋ mümkındıkter men progress elın, zaŋ men tärtıp, dialog, jauapkerşılık pen yntymaqtastyq mädenietı üstemdık etetın tiımdı memlekettı qūrudy qolǧa aldy. Bız, Qazaqstannyŋ şeteldegı dostary, qaşan da tılektestık tanytyp, qoldauǧa daiynbyz.
Doktor Vladimir Mesamed (İzrail) İerusalimdegı Evrei universitetı
