"Küieuım özı habarlasty da "ekeumızdıŋ jännatta bolǧanymyzdy qalaimyn" dedı. Sonda ǧana onyŋ qaida ketkenın tüsındım. Küieuımnıŋ artynan baruǧa şeşım qabyldadym. Sol jaqqa baryp-qaituǧa bilet aldym. Öitkenı ol kezde 8 jastaǧy qyzym boldy. Ol Qazaqstanda qalyp qoidy", - dedı aty-jönın aitudy jön körmegen kelınşek.
Sondai-aq ol alǧaşynda küieuın elge qaitaramyn degen oi bolǧanyn aitty. "Sodan Türkiiaǧa jol tarttym. Ol menı sonda kütıp aldy. Keiın şekaradan oŋai öttık. Onda temır qorşaular bolǧan joq. Bır auylǧa keldık. Men Siriiaǧa kelgende adamdar qaru-jaraqpen jürdı. Ol tün mezgılı edı. Bız "Siriiaǧa kelgen siiaqtymyz ǧoi?" dedım. Küieuım "iä" dep jauap berdı. Ol jerde bır apta boldym. Keiın jūbaiyma üige qaitatynymdy aittym. Sol uaqytta ol menıŋ tölqūjatymdy tartyp aldy da, "Olar senıŋ qaida bolǧanyŋdy bılıp otyr. Sen türmege otyrasyŋ" dedı. Sodan qorqyp, küieuımnıŋ aitqanynan şyǧa almadym", - deidı ol.Siriiada äielderdıŋ qūqy aiaqqa taptalady
33 jastaǧy qazaq äielı 2013 jyldan 2017 jylǧa deiın DAİŞ-tyŋ baqylauyndaǧy Siriia aumaǧynda küieuımen tūrǧan. Sonda bır balasyn düniege äkelgen. Keiın küieuı qaitys bolǧan soŋ, amalyn tauyp, kürtterdıŋ ielıgındegı aumaqqa ötıptı. Äŋgıme barysynda ol Siriiadaǧy DAİŞ basqaratyn aumaqta äielderdıŋ qūqy aiaqqa taptalǧanyn jasyrmady."Küieuım 2017 jyldyŋ 5 nauryzynda ömırden öttı. Qalai qaitys bolǧanyn bılmeimın. Bombaǧa tüstı me, bıreu öltırdı me, ony eşkım aitpaidy. Suretın de körsetpedı. Siriiada küieuı qaitys bolǧan äieldı bır üige alyp keledı. Ol jerde tamaq, jaryq bolmaidy. Iаǧni eşqandai jaǧdai jasalmaǧan. Amal joq basqa küieuge şyǧuǧa mäjbür bolasyŋ. Al küieuge şyqpasaŋ, sol jerde aştan ölesıŋ. Ol küieuıŋ 2-3 künnen qaitys bolyp ketuı mümkın. Iаǧni, osylai 5 ret, 6 ret, tıptı 19 ret küieuge şyǧyp jatqan äielder boldy", - deidı elge oralǧan kelınşek.
Sonymen qatar otandasymyz Siriiadaǧy qazaq äielderı oiyn aşyq aita almai qinalǧanyn jetkızdı. "Ol jaqta qazaq qyzdarymen aralasyp tūrdyq. Köbı "üige qaitqym" keledı dep aita almai, ışten tynady. "Tek küieuımmen bırge jännatta bolǧym keledı" deimız. Bıraq ärkımnıŋ öz oiy bar. Mysaly, men elge qaitqym keldı. Bıraq ony aita almadym. Öitkenı basymnan aiyrylamyn. Ne atyp tastaidy, ne türmege otyrǧyzady", - deidı ol. Ol kürtter basqaratyn aumaqta 1,5 jyl tūrǧan. Keiın "Jusan" operasiiasy barysynda Qazaqstanǧa oralypty.
