Işkı ıster ministrınıŋ orynbasary Marat Qojaev belsendı Dias Qūzaiyrov, Ädıljan Abdıǧaliev pen Ädıl Iýsupovtyŋ üstınen qozǧalǧan ıs boiynşa sūraqqa jauap berdı. Būǧan deiın üş belsendı Ridderde memlekettık qyzmetşılerden memlekettık tılde söileudı talap etkenı üşın ıstı bolǧany aitylǧan, dep habarlaidy «Adyrna» ūlttyq portaly Ulysmedia.kz saityna sılteme jasap.
Vise-ministr:«Dias Qūzaiyrov – ol azamattyŋ aty-jönı. Şynymen, olar Ridderge barǧan. Ötkızgen ıs-şaralary boiynşa, qylmystyq ıs tırkeldı. Ol qylmystyq ıstı tırkeudıŋ sebebı – sol jerdegı azamattardyŋ aryzy. «Qūqyqtary būzyldy» dep otyrǧan azamattardyŋ aryzy boiynşa qozǧalǧan ıs. Älı tergelıp jatyr. Ol ıs boiynşa arnaiy filologiialyq, basqa da saraptamalar taǧaiyndaldy. Qazır sol saraptamalardyŋ aldyn ala tergeudıŋ nätijesı boiynşa şeşım qabyldanady. Kınälerı däleldense, anyqtalsa, onda jauapkerşılıkke tartamyz», – deidı ol.Marat Qojaev qazırgı uaqytta Dias Qūzaiyrovtyŋ bostandyqta ekenın aitty. Is tergeuşınıŋ qarauynda deidı. «Al memlekettık qyzmetkerlerden memlekettık tılde söileudı talap etkenı üşın ıs qozǧau qanşalyqty zaŋdy? Būlai ıstı qozǧaudyŋ özı nonsens dep eseptemeimız be» degen sūraqqa vise-ministr bylai deidı.
«Men olai eseptemeimın. Talap ärtürlı bolady. Keibır närseler orysşa aitqanda «manerasyna» bailanysty. Qandai da bır ısterdı köterıp, qandai adamdardyŋ qūqyqtaryn būzǧanyna bailanysty (...) Ridderdegı azamattar özderınıŋ «qūqyǧy būzyldy» dep sanap otyr. Is barysynda anyqtalady», – deidı ol.Sonymen qatar «iaǧni kez kelgen azamat memlekettık organǧa baryp, qazaq tılın talap etse, ol qylmystyq qudalauǧa ūşyrai ma?» degen sūraqqa Şärıphanov bylai dep jauap berdı.
«Taǧy da aitaiyn: talaptyŋ är türı bolady. Ony qandai türde, qai zaŋnyŋ şeŋberınde, qai özınıŋ sūraqtaryn qai manera jasaitynyna da bailanysty şyǧar. Sol sebepten «zaŋdy qūqyqttarymyz būzyldy» degen azamattardyŋ aryzy negızınde ıs qozǧalyp otyr», – deidı ol.
«Adyrna» ūlttyq portaly
Ūqsas jaŋalyqtar
