Qytaıdyń Hanjchoý qalasynda ótip jatqan Azııa oıyndarynda bokstan álem chempıony Aslanbek Shymbergenov qola medal aldy, dep habarlaıdy «Adyrna» ulttyq portaly
Qazaqstan ulttyq quramasynyń kapıtany 71 kelige deıin salmaqta 2021 jylǵy álem chempıony, japon boksshysy Sevon Okadzavamen qolǵap túıistirdi.
Shırek fınalda ózbekstandyq álem chempıony Asadhýdja Mýıdınhýdjaevtan tóreshiler sheshimimen alǵashqy eki raýndta jeńilip jatyp, aqyry nokaýtqa jibergen Aslanbekke jankúıerler osy Azııa oıyndarynda úlken úmit artqan edi.
Sevon Okadzava – óte jyldam qımyldaıtyn, qasha júrip, upaı alýǵa tyrysatyn boksshy. Soǵan qaramastan, 1-raýndta 5 tóreshiniń úsheýi Aslanbekti basym dep tapty. Ekinshi kezeńde de solaı boldy. Alaıda tóreshiler jekpe-jek qorytyndysynda jeńisti japonııalyq boksshyǵa berip jiberdi. Esep – 2:3.
Endi Sevon Okadzava altyn júlde úshin taıbeılik Kan Chıa Veımen judyryqtasady.
«Adyrna» ulttyq portaly
