Qazaqstan boks federaııasynyń prezıdenti Keńes Raqyshev Azııa oıyndaryndaǵy ulttyq qurama kapıtany Aslanbek Shymbergenovtyń jartylaı fınaldyq kezdesýinde tóreshilerdiń sheshimine qatysty málimdeme jasady, dep habarlaıdy «Adyrna» ulttyq portaly.
«Qurmetti jankúıerler, álem chempıony, Qazaqstan quramasynyń kapıtany Aslanbek Shymbergenovtyń jartylaı fınaldyq kezdesýinde tóreshilerdiń asa ádiletsiz sheshimine qatysty óreskel oqıǵa oryn aldy», - dedi Keńes Raqyshev.
QFB basshysy Shymbergenov búkil jekpe-jek boıy japonııalyq Sevon Okazavany soqqynyń astyna alǵanyn, judyryqtary qarsylasqa dál tıgenin, barlyq jaǵynan myqtyraq ári basymyraq bolǵanyn atap, nátıjesinde qarsylas jeńgenin jazǵan.
Sondaı-aq federaııasy prezıdenti Qazaqstan - boks derjavasy, bokstyń kóshbasshysy retinde rıngtegi mundaı ádiletsizdik faktilerimen kelispeıtindigin aıtqan.
«Hanchjoýdaǵy Azııa oıyndarynyń jartylaı fınalynda bolǵan oqıǵa shekten shyqty. Osyǵan baılanysty Qazaqstan boks federaııasy resmı túrde Halyqaralyq olımpıada komıtetine tóreshi qyzmetine óz shaǵymdaryn bildiredi. Óz tarapymnan Aslanbek Shymbergenovke jeke qoldaý bildiremin! Meniń oıymsha, mundaı faktiler bizdiń kapıtanymyzdy buzbaıdy jáne ol bokstan eń mańyzdy halyqaralyq týrnırlerde Qazaqstannyń týyn kóterýdi jalǵastyrady!»,- dep qorytyndylaǵan QFB basshysy.
«Adyrna» ulttyq portaly
