Qazaqstan halqynyŋ sany qanşa ekenı aityldy

Ūlttyq statistika biurosy Qazaqstandaǧy halyq sany turaly naqtylanǧan mälımetterdı ūsyndy, - dep habarlaidy  "Adyrna" portaly.  Vedomstvonyŋ mälımetınşe, 1 qyrküiekte el halqynyŋ sany 19 mln 944 myŋ 726 adamdy qūrady. Respublika boiynşa 12 368 662 adam qala halqyna, 7 576 064 adam auyl halqyna tiesılı. Jyl basynan berı el halqynyŋ sany 177 myŋ adamǧa östı, onyŋ 172 myŋy tabiǧi ösım esebınen (tuylǧandar sany ölgender sanynan asyp tüstı), 5,8 myŋ adam köşı-qonnyŋ oŋ saldosy esebınen. Öŋırler arasynda eŋ köp Almaty qalasynda – 2 205 929 adam. Odan keiıngı orynda Türkıstan oblysy – 2 135 537 adam, Almaty oblysy – 1 522 182 halyq sany boiynşa alǧaşqy üştıktı tüiındep tūr. Astana halyq sany boiynşa törtınşı orynda – 1 402 002 adam, Jambyl oblysy besınşı orynda, 1 221 619 adam. «Halyq sany – belgılı bır uaqytta belgılı bır aumaqta tūratyn adamdardyŋ sany.Jyl basyndaǧy aǧymdaǧy baǧalaular soŋǧy halyq sanaǧynyŋ nätijelerı boiynşa esepteledı, oǧan jyl saiyn tuǧandar men köşıp kelgender sany qosylady. Belgılı bır aumaqqa tūraqty tūruǧa kelgender jäne qaitys bolǧandar men osy aumaqqa köşıp ketkender sany şegerıledı, osy aumaqtaǧy tūraqty tūruy şegerıledı», - dep tüsındırdı Ūlttyq statistika biurosy. Aita keteiık, 2022 jyly Qazaqstan halqy 261 845 adamǧa östı.