Balanyŋ naqty neden qaitys bolǧany sot-medisinalyq saraptamanyŋ nätijesı boiynşa anyqtalady
Almaty polisiia departamentınıŋ tergeu basqarmasynda alty jasar qyzdyŋ köz jūmu faktısı boiynşa sotqa deiıngı tergeu bastaldy.
Qyzynyŋ köz jūmǧanyn būrynǧy äielınen estıgen
Tragediianyŋ qalai bolǧanyn balanyŋ äkesı Facebook-tegı paraqşasynda tarqatyp aitty."Qaiǧyly oqiǧa boldy, qyzym tüsınıksız jaǧdaida qaitys boldy, ony öltırdı dep küdıktenıp otyrmyn. Menıŋ perıştem 6 jasta. Būl mätındı jazu maǧan öte qiyn, bıraq qazırgı jaǧdai osyǧan mäjbürlep otyr!" - dep jazdy er adam.
Onyŋ aituynşa, ajyrasqannan keiın qyzy özımen bırge qalǧan, keide anasynyŋ üiıne baryp tūrypty. Būrynǧy äielı ony soŋǧy ret 9 mamyrda äketıp, özınıŋ äkesınıŋ üiıne alyp barǧan. Al törtınşı künı, 12 mamyrda telefon arqyly qyzy 12-şı qalalyq klinikalyq auruhananyŋ jansaqtau bölımınde jatqany jaily qorqynyşty habar alady. Er adam qyzynyŋ balalar emes, eresekter auruhanasyna jetkızıluı köŋılıne küdık ūialatqanyn aitady. Ol dereu klinikaǧa jolǧa şyqqan, degenmen bıraz uaqyttan keiın oǧan qyzynyŋ qaitys bolǧanyn habarlapty. Auruhananyŋ qabyldau bölmesınde otyrǧan būrynǧy äielı, qaiyn atasy jäne taǧy basqa bır tuysy bolǧan oqiǧany ärtürlı baiandaǧan. Aldymen olar bala auladaǧy müsınnen qūlap tüskenın, keiın ol müsınnıŋ qyzdy basyp qalǧanyn aitqan, sodan soŋ it qauyp aldy dep şyqqan.Eş jerde balanyŋ qany bolmaǧan
"Qyzymnyŋ ışınıŋ tömengı jaǧynda ūzyndyǧy 25 santimetrge juyq köldeneŋ tılık boldy, ol jerden bauyry körınıp tūrdy, köptegen jaraqat alǧan, pyşaq jaraqatyna ūqsaidy, sondai-aq sol aiaǧyndaǧy, jambasyndaǧy būlşyqetı jūlynǧan, ol jerden süiek körınıp tūr. Tobyǧynan sanǧa deiın kesılgen. Mūnyŋ bärın suretke tüsırıp aldym, öitkenı müsın qūlady degen söz dereu kümän tuǧyzdy. Onyŋ üstıne, eşqandai qan bolǧan joq", - dep jazdy ol. Qan aulada da, müsınde de, kiımde de bolmaǧan. Er adam oqiǧa bolǧan künnen bastap būrynǧy äielınıŋ tuystary – äkesı men küieu balasy qatty qysym jasap jatqanyn aitady. Būrynǧy qaiyn atasy Qazaqstanǧa belgılı biznesmen, ırı jihaz salondar jelısınıŋ qojaiyny eken, al küieu balasy elımızdegı küş qūrylymdarynyŋ bırınıŋ audandyq bölımşesın basqaratyn körınedı. Qaiǧydan qan jūtyp otyrǧan äke olar mūny qaiǧyly jaǧdai retınde körsetuge tyrysyp baǧatyndaryn joqqa şyǧarmaidy."Is barynşa aşyq jäne obektivtı türde qaraluy üşın mümkındıgınşe köp adamǧa jariialauǧa barlyǧyŋyzdan kömek sūraimyn", - dep jazdy ol öz ündeuınıŋ soŋynda.
Almaty polisiia departamentınıŋ tüsınıktemesı
"Būl fakt boiynşa materialdar Bıryŋǧai sotqa deiıngı tergeu reestrıne tırkeldı. Tergeu Qazaqstan Respublikasy Qylmystyq kodeksınıŋ 99-baby "Kısı öltıru" boiynşa jürgızılıp jatyr", - dep habarlady vedomstvonyŋ baspasöz qyzmetı. Olar sondai-aq, qyzdyŋ naqty neden qaitys bolǧany bırqatar saraptamanyŋ, sonyŋ ışınde sot-medisinalyq saraptamanyŋ nätijesı boiynşa anyqtalatynyn jäne sodan keiın ǧana prosessualdyq şeşım qabyldanatynyn atap öttı.Sputnik
