Qonaev qalasyndaǧy qarttar üiınde 71 jastaǧy qariia tırıdei janyp ketken. Būl turaly Almaty.tv telearnasy jariialady, dep habarlaidy “Adyrna” ūlttyq portaly.
Aqparatqa säikes, mügedektıgı bar marqūmdy ondaǧy qyzmetkerler örtenıp jatqan kezde bır-aq körgen. Denesınıŋ 80 paiyzyn küiık şalǧan aqsaqal auruhanada köz jūmǧan. Ärkım özı jeke tūratyndyqtan, örtengenın körmegen.
Tūrǧanda estıdım, bır kısı qaitys bolyp ketıptı dep. Közı dūrys körmeidı, – dedı qarttar üiınıŋ tūrǧyny Qabyr Mūhamedjan.
Al «Şarapat» äleumettık qyzmet körsetu ortalyǧynyŋ qyzmetkerlerı körsetken bölme ört bolǧan jerge asa ūqsai qoimaidy. Degenmen, olar qart bölmesınde temekı tartqan, sodan ört şyqqanyn aitady. Ört saǧat 21:00-de şyqqan.
Tört qyzmetkerdıŋ ekeuı - kütuşı. Olar 59 adamnyŋ taŋerteŋnen bastap pampersın auystyrady. Ekı meiırbike qyzmet aluşylardyŋ densaulyqtaryna jauap beredı. Ol kısı mazasyz temekı şegedı, al bızde temekı şeguge tyiym salynǧan, – dedı aǧa meiırbike Janar Baisalbaeva.
Qonaev qalasynyŋ Tötenşe jaǧdailar basqarmasy mekemenı tekserısıp, talapqa sai kelmeitın tūstaryn körsetken. Alaida qarttar üiınıŋ basşysy eş şara qoldanbaǧan.
Atalǧan mekeme 2023 jyly 28 tamyzda arnaiy uaqytynda qyzmet körsetetın kelısımşartty körsetpedı. Zaŋ būzyldy, ony joiu üşın ekı ai uaqyt berılgen. Qazır 15 punkt boiynşa ereje būzu anyqtaldy. Bölmeler avtomatty signalizasiiamen jabdyqtalmaǧan, – dedı Tötenşe jaǧdailar basqarmasy bastyǧynyŋ orynbasary Daniiar Şyndauletov.
Būl turaly därıgerler qariianyŋ öte auyr jaǧdaida auruhanaǧa tüskenın aitady. Ölım auyzynda jatqan qyzmet aluşynyŋ alǧan jaraqaty auyr bolǧan soŋ, bırden jansaqtau bölımıne jatqyzǧan.
Denesı 75-77 paiyz küiıp ketken. Al küiık tereŋdıgı 2-3 AB bop esepteledı, – dedı qalalyq köpbeiındı auruhananyŋ travmatolog därıgerı Şerzod Nurullaev.
Oblystyq prokuratura qyzmetkerlerı ıske qatysty qylmystyq ıs qozǧalyp, öz-özıne qol jūmsauǧa itermeleu faktısı boiynşa tergelıp jatqanyn habarlap otyr.
Osy qarttar üiınde 2023 jyldyŋ 13 nauryzynda taǧy bır qariia asylyp ölgen.
