Qazaqstanda 19 qazanda Qūtqaruşylar künı atap ötıledı. Elordadaǧy kommunikasiialar qyzmetınde ötken brifingte qalalyq TJD Memlekettık ört baqylau basqarmasynyŋ bastyǧy Erkın Otarǧalymūly qūtqaru qyzmetı turaly aityp berdı. Būl turaly Astana äkımdıgı mälımdedı, dep habarlaidy «Adyrna» ūlttyq portaly.
Qazırgı uaqytta Astanada 18 ört söndıru bölımşesı jūmys ısteidı. Astana äkımdıgı Köktal köşesı audanynda, Ürker tūrǧyn alabynda, Janqoja batyr jäne Dospambet jyrau köşelerı audanynda, №28 köşe boiynda, İnternasionalnyi jäne Telman eldı mekenderınde bes ört söndıru deposyn salyp jatyr. Būdan basqa, Astana qalasy äkımdıgınıŋ qūrylys basqarmasy JSQ äzırleu, memlekettık saraptama jürgızu jäne qyzmettıŋ 7 obektısın odan ärı rekonstruksiialau boiynşa jūmys jürgızude.«Elordalyq TJD-da 205 bırlık tehnika bar. 2021 jyly qala äkımdıgı 48 negızgı jäne arnaiy tehnika satyp aldy. TJD tehnikasymen materialdyq-tehnikalyq jaraqtandyru 100% qūraidy. Astana qalasy Tötenşe jaǧdailar departamentınıŋ basty eŋbegı – adamdar. Bız qūtqaruşylarymyzdy maqtan tūtamyz. Adam ömırı men mülkın qūtqara otyryp, käsıbi boryşyn oryndap, ömırın qaterge tıgetın mamandarymyzdy mäŋgı jadymyzda saqtaimyz», - dep atap öttı spiker.Qazır elordanyŋ qauıpsızdık küzetınde ekı myŋnan astam qyzmetker eŋbek etıp jür. Departament sondai-aq memlekettık ört baqylau qyzmetın jüzege asyrady, tabiǧi jäne tehnogendık sipattaǧy tötenşe jaǧdailardyŋ aldyn alu jäne olardy joiu salasyndaǧy memlekettık saiasatty ıske asyrady. Qyzmetkerler su tasqyny, komandalyq-ştabtyq jattyǧular ötkızu boiynşa qauıptı uchaskelerdıŋ, aimaqtar men oşaqtardyŋ monitoringın jüzege asyruǧa qatysady. Jyl saiyn elordalyq garnizon bölımşelerı orta eseppen 4000-nan astam oqiǧa ornyna şyǧady, 600-den astam örttı söndıredı, myŋdaǧan adamdy qūtqarady jäne evakuasiialaidy. Kezekşı täulıkte 101 jäne 112 qyzmetke 1000-nan astam qoŋyrau tüsedı. Tek 9 aidyŋ ışınde elordalyq qūtqaruşylar dabyl boiynşa 4242 ret jolǧa şyqty. Ört söndıru jäne avariialyq-qūtqaru jūmystaryn jürgızu kezınde kezekşı qarauyldardyŋ jeke qūramymen 257 adam qūtqaryldy, qauıpsız aimaqqa 378 adam evakuasiialandy. Sonymen qatar biyl elordalyq ört söndıruşıler ärıptesterıne Qostanai oblysyndaǧy örtke qarsy küreste, Abai oblysyndaǧy orman örtın söndıruge jäne Pavlodar oblysyndaǧy «Ertıs ormany» rezervatynda kömek körsettı. Sondai-aq jedel-qūtqaru jasaǧynyŋ qūtqaruşylary apatty jer sılkınısınen zardap şekkenderge kömek körsetu üşın Türkiia Respublikasyna bardy.
«Qysqa uaqyt ışınde bız örtpen küresudıŋ aldyŋǧy qaptalynda öz mındetterın atqarǧan qyzmetkerlerden aiyryldyq. Olar batyldyq pen tabandylyq tanytu arqyly adamdardyŋ ömırın saqtap qaldy. Bız olardyŋ esımderın mäŋgı esımızde saqtaimyz. Osyndai batyrlardyŋ bırı – 2022 jyldyŋ qaraşa aiynda qyzmettık boryşyn öteu kezınde qaza tapqan elordalyq ört söndıruşı Asqar Zabikulin. Asqardyŋ batyl äreketınıŋ arqasynda adam ömırı saqtaldy», - dedı spiker brifingte.Aita keteiık, bırer kün būryn elordadaǧy Ürker şaǧyn audanynda Asqar Zabikulin atyndaǧy köşe aşyldy. Bügın Qūtqaruşylar alleiasynda qyzmettık mındetın atqaru kezınde qaza tapqan qyzmetkerlerdı eske alu ıs-şarasy öttı.
«Adyrna» ūlttyq portaly
Ūqsas jaŋalyqtar
