Shyǵys óńirinde jas analar arasynda erekshe konkýrs ótti. Aımaqtaǵy qalalar men aýdandardan kelgen 17 qatysýshy «úzdik kelin» atalmynyna kimniń laıyq ekendigin dálelededi.
Burymdylar arasyndaǵy mundaı konkýrs óńirde birinshi ret ótkizilip turǵan joq. Bıyl dástúrli saıys Jarma aýdanynyń Qalbataý aýylynda «Bolashaqqa baǵdar: rýhanı jańǵyrý» baǵdarlamalyq maqalasy aıasynda uıymdastyrlyǵan-dy. Basty maqsaty jastar sanasyna otbasylyq qundylyqty sińirip, eresekter tájirıbesin jas býynǵa jetkizý. Sharanyń ótýine ShQO ishki saıasat basqarmasynyń «Jastar resýrsy ortalyǵy» KMM-niń uıytqy bolǵanyn aıta ketken jón.
Kelinder arasyndaǵy báseke eki kezeńnen turdy. Alǵashqy «As – adamnyń arqaýy» bóliginde qatysýshylar aspazdyq sheberlikterin pash etip, qazylarǵa ulttyq taǵamdardan dám tatqyzdy. Al kelesi kezeń shyǵarmashylyq jaǵyna baǵyttaldy. Munda baıqaýǵa túskender jasyryn talanttaryn kórsetý arqyly, qazylar men kórermenderdi tań qaldyrýlary kerek boldy.
«Aıaýly jas kelin» saıysynda jeńiske jetý úshin qatysýshylar qabiletteri men ónerlerin kórsetip qana qoımaı, salt-dástúrlerden habardar ekendikterin kórsetýleri tıis edi. Uıymdastyrýshylardyń aıtýynsha, atalmysh konkýrstyń basty maqsaty – qazaq halqynyń umyt bola bastaǵan ádet-ǵurpyn qalypqa keltirip, olardy barynsha este saqtaýǵa shaqyrý.
Sonymen, júldegerler úshtigi kelesideı anyqtaldy: úshinshi orynǵa Jarma aýdanynyń ókili Gúlmıra Jýsanbaeva ıe boldy. Oǵan kir jýatyn máshıne tabys etildi. Júldeli ekinshi oryn Abaı aýdanynyń kelgen Maqpal Ebinge buıyryp, gaz plıtaǵa qol jetkizse, «Aıaýly jas kelin» atalymyna semeılik Aıdana Baýyrjanova laıyq shyqty. Bul qatysýshyǵa teledıdar tabystaldy. Erekshe jarystyń ózge qatysýshylaryna yntalandyrý syılyqtary retinde ámbebap ázirlegishter syıǵa berildi.
