Respublika künı qarsaŋynda prezident jarlyǧymen bır top azamat memlekettık nagradalarmen marapattaldy. Būl turaly Aqorda mälımdedı, dep habarlaidy “Adyrna” ūlttyq portaly.
Ūlttyq mereke – Respublika künı qarsaŋynda prezident Qasym-Jomart Toqaevtyŋ Jarlyǧymen elımızdıŋ äleumettık-ekonomikalyq, mädeni-ruhani damuyna, halyqtar arasyndaǧy dostyq pen yntymaqtastyqty nyǧaituǧa qosqan eleulı ülesı men belsendı qoǧamdyq qyzmetı üşın bır top azamat memlekettık nagradalarmen marapattaldy. Olardyŋ qatarynda öndırıs, biznes, bılım beru, densaulyq saqtau salalarynyŋ körnektı ökılderı, äskeri qyzmetşıler, qūqyq qorǧau organdarynyŋ qyzmetkerlerı, sportşylar, eŋbek ardagerlerı, mädeniet jäne ǧylym qairatkerlerı bar.
"Qazaqstannyŋ Eŋbek Erı" ataǧy Qazaqstan Respublikasynyŋ mūnai-gaz salasyn damytudaǧy airyqşa jetıstıkterı, sondai-aq qoǧamdyq-saiasi qyzmettegı asa üzdık eŋbegı üşın memleket jäne qoǧam qairatkerı, parlament mäjılısınıŋ deputaty B.Izmūhambetovke, elımızdıŋ äleumettık-gumanitarlyq damuyndaǧy asa üzdık jetıstıkterı üşın Semei qalasy "№ 7 jalpy bılım beretın orta mektep-liseiınıŋ mūǧalımı A.Şükejanovaǧa jäne öndırıstık qyzmettegı erekşe eŋbegı üşın Qyzylorda oblysy "Taŋ LTD" jauapkerşılıgı şekteulı serıktestıgınıŋ direktory İ.Şaǧyrtaevqa berıldı.
"Otan" ordenımen suretşı A.Aqanaev, belgılı aqyn, aitys önerınıŋ damuyna erekşe eŋbek sıŋgen qairatker J.Ermanov marapattaldy.
I därejelı "Barys" ordenı eŋbek ardagerlerı M.Aiymbetova men S.Tiesovke, Qonaev qalasy A.Jūbanov atyndaǧy №5 orta mektep mūǧalımı N.Lige, televiziia ardagerı L.Seiıtovke, II därejelı "Barys" ordenı qoǧam jäne memleket qairatkerı Ä.Bektaevqa, "KAZGOR" jobalau akademiiasynyŋ bırınşı vise-prezidentı T.Eralievke, eŋbek ardagerı O.Rahmanberdievke, III därejelı "Barys" ordenı Abai oblysy qoǧamdyq keŋesınıŋ töraǧasy M.Ainabekovke, Ş.Uälihanov atyndaǧy Kökşetau universitetınıŋ kafedra meŋgeruşısı S.Aiaǧanovqa, erkın küresten eŋbek sıŋırgen sport şeberı İ.Bairamukovke, "Qazaqstan halqyna" qoǧamdyq äleumettık qorynyŋ töraǧasy B.Jämışevke, qoǧam qairatkerı Ä.Jolşybekovke jäne eŋbek ardagerı S.Qyrymqūlovqa tabystaldy.
Sonymen qatar belgılı ǧalymdarǧa, mädeniet jäne bılım qairatkerlerıne, öndırıstık sala ökılderıne "Parasat" ordenı berıldı. Olardyŋ qatarynda Taldyqorǧan qalasy "Qainar-AKB" JŞS direktorlar keŋesınıŋ töraǧasy Q.Äjmaǧanbetov, "Qazaq tılı" halyqaralyq qoǧamynyŋ vise-prezidentı Ǧ.Änes, M.Ospanov atyndaǧy Batys Qazaqstan medisina universitetınıŋ professory B.Joldin, Nysana közdeuden ūlttyq qūramanyŋ bas jattyqtyruşysy O.Dovgun, Temırtau qalasynyŋ Köpbeiındı ana men bala ortalyǧynyŋ direktory S.Lohviskii, Atyrau oblystyq ardagerler keŋesınıŋ töralqa müşesı M.Ǧabdısälımova jäne Ǧ. Müsırepov atyndaǧy balalar men jasöspırımderge arnalǧan memlekettık akademiialyq qazaq teatrynyŋ akterı Ū.Nüsıpälı sekıldı azamattar bar.
"El bırlıgı" ordenı alǧaş ret Qazaqstan Respublikasynyŋ Prezidentı janyndaǧy Memlekettık basqaru akademiiasynyŋ professory A.Başmakovqa, Respublikalyq düngen etnomädeni ortalyǧy baqylau keŋesınıŋ töraǧasy L.Bularovqa, Respublikalyq täjık etnomädeni ortalyǧynyŋ töraǧasy A.İsmailovqa, Qazaqstan koreilerı qauymdastyǧy qamqorşylyq keŋesınıŋ müşesı R.Kimge, "Deutsche Allgemeine Zeitung" respublikalyq nemıs gazetınıŋ bas redaktory O.Klimenkoǧa, "Qazaqstan şeşenderı men inguştarynyŋ "Vainah" qauymdastyǧy" zaŋdy tūlǧalar bırlestıgınıŋ teŋ töraǧasy A.Mūradovqa, "Dustlik" Qazaqstan Respublikasy özbek etnomädeni qoǧamdyq bırlestıkterınıŋ qauymdastyǧy" zaŋdy tūlǧalar bırlestıgı töraǧasynyŋ orynbasary T.Nyşanbaevqa tabystaldy.
T.Äbdıkūly, S.Elubaev, B.Nūrjekeev, S.Smataev, A.Aşirov jäne L.Şaşkova "Qazaqstannyŋ halyq jazuşysy" ataǧyn ielendı.
"Qazaqstannyŋ halyq ärtısı" qūrmettı ataǧy elımızdıŋ körnektı mädeniet qairatkerlerı, teatr jäne kino akterlerı D.Ahimovqa, M.Tokarev pen D.Aqmoldaǧa, opera änşılerı Ş.Äbılov pen T.Küzenbaevqa, ataqty änşıler R.Stamǧazievke, D.Qūdaibergenge jäne küişı A.Ülkenbaevaǧa berıldı.
Sondai-aq "Ūlttyq ǧylymi kardiohirurgiia ortalyǧy" KeAQ därıgerı S.Andosova, "M.Qozybaev atyndaǧy Soltüstık Qazaqstan universitetı" KeAQ professory A.Pleşakov, "Şyŋǧa örleu" QQ direktory R.Sypabekova, "Maŋǧystau oblystyq mügedektık sport kluby" KMM aǧa bapkerı N.Qūlyşov jäne basqa da azamattar "Qūrmet" ordenımen marapattaldy.
Önerkäsıp, transport, qūrylys, auyl şaruaşylyǧy jäne basqa da materialdyq öndırıs salalarynyŋ 94 jūmysşysy men eŋbekkerı III därejelı "Eŋbek Daŋqy" ordenın ielendı.
II därejelı "Dostyq" ordenı "Alǧa, Peterburg" internet jobasynyŋ avtory İvan Chervinskiige berıldı.
Al futboldan Qazaqstan ūlttyq qūramasynyŋ oiynşylary Ashat Taǧybergen, Bahtiior Zainutdinov jäne Maksim Samorodov "Eren eŋbegı üşın" medalıne laiyq dep tanyldy.
"Erlıgı üşın" medalımen Mūrat Esenqabylov pen Talǧatbek Töleubaev nagradtaldy. Mūrat Esenqabylov örtenıp jatqan kölık ışınen 3 äiel men 5 balany aman alyp qalsa, Talǧatbek Töleubaev tılsız jaudy auyzdyqtauda ülken erlık körsetken.
Para jeŋıl atletika sportşysy, bırneşe respublikalyq saiystardyŋ jeŋımpazy Aisūlu Süleimenovaǧa "Şapaǧat" medalı tabystaldy.
"Qazaqstannyŋ eŋbek sıŋırgen qairatkerı" qūrmettı ataǧy ǧylym jäne mädeniet salalarynyŋ 31 körnektı ökılıne jäne "Qazaqstannyŋ eŋbek sıŋırgen ūstazy" qūrmettı ataǧy Aqmola oblysy "№4 "Bolaşaq" oblystyq mamandandyrylǧan mektep-lisei-internatynyŋ mūǧalımı Ü.Eŋsebaevaǧa berıldı. Qazaqstan Respublikasynyŋ Qūrmet gramotasymen 143 adam nagradtaldy.
Äskeri jäne qyzmettık boryşyn ülgılı atqarǧany, zaŋdylyq pen qūqyqtyq tärtıptı qamtamasyz etude, eldıŋ ūlttyq qauıpsızdıgı men qorǧanys qabıletın nyǧaitu kezınde körsetken erlıgı men qajyr-qairaty üşın äskeri qyzmetşıler men qūqyq qorǧau organdarynyŋ ökılderı I jäne II därejelı "Daŋq" ordenderımen, II jäne III därejelı "Aibyn" ordenderımen, "Erlıgı üşın" jäne "Jauyngerlık erlıgı üşın" medaldarymen marapattaldy.
Jalpy biylǧy memlekettık nagradalardy taǧaiyndauda qarapaiym azamattarǧa basymdyq berıldı. Atap aitqanda, marapattalǧandar arasynda 298 ūstaz ben densaulyq saqtau salasynyŋ qyzmetkerlerı, 259 auyl şaruaşylyǧy mamany, 119 eŋbek ardagerı, öndırıs salasynyŋ 88 jūmysşysy bar. Būl – qarapaiym eŋbekkerlerdıŋ märtebesın asyruǧa, qoǧamdaǧy qadırın arttyruǧa baǧyttalǧan naqty qadam.
Aita keteiık, 1999 jyldyŋ şılde aiynan bastap «Qazaqstannyŋ halyq ärtısı» degen ataq alynyp tastalynǧan edı. Keiın Prezident Qasym-Jomart Toqaevtyŋ jarlyǧymen qaita qosyldy.
