Qazaqstannyŋ bırınşı prezidentı Nūrsūltan Nazarbaev "eldegı prezident sailauyna jetı kandidat qatysyp jatyr. Būl elde saiasi bäsekenıŋ baryn körsetedı" dedı. Būl turaly ol 23 mamyrda Nūr-Sūltanda Nūr-Otan partiiasy kandidatynyŋ ştabymen kezdesude aitty.
Nazarbaevtyŋ sözınşe, sailauǧa tüsıp jatqan jetı kandidatqa bırdei jaǧdai jasalǧan.
Jiynda Qazaqstannyŋ bırınşı prezidentı infraqūrylymdy damytu, aimaqtarda tūrǧyn üi salu, tūrmysy tömen otbasylarǧa kömektesu, jaŋa jūmys oryndaryn aşu jönınde taǧy aitty.
– Qazaqstanda jūmyssyzdyq degen mäsele joq, käsıptıŋ tapşylyǧy bar. Sol sebeptı qajettı mamandyqtardy tegın oqytatyn baǧdarlama äzırlengen bolatyn. Bız jastar üşın barlyq jaǧdai men mümkındık jasadyq, – dedı Nazarbaev.
Qazaqstanda kezekten tys prezident sailauy 9 mausymda ötedı. Būl jolǧy sailau eldı otyz jylǧa juyq basqaryp, biyl nauryzda Qazaqstan prezidentı qyzmetınen ketken Nūrsūltan Nazarbaevtyŋ qatysuynsyz ötkelı otyr. Ötken aptada Ortalyq sailau komissiiasy jetı adamdy prezidenttıkke kandidat retınde tırkegen:
- Sädı-Bek Tügel - "Ūly dala qyrandary" respublikalyq qozǧalysy;
- qazırgı prezident Qasym-Jomart Toqaev - "Nūr Otan" partiiasy;
- Amangeldı Taspihov - Qazaqstan käsıpodaqtar federasiiasy;
- Daniia Espaeva - "Aq jol" partiiasy,
- Töleutai Rahymbekov - "Auyl" partiiasy;
- Jambyl Ahmetbekov - "Qazaqstan komunistık halyq partiiasy";
- Ämırjan Qosanov - "Ūlt taǧdyry" qozǧalysy.
"Azattyq" radiosy
