Qazaqstan aqparat jäne qoǧamdyq damu ministrlıgı 29 mamyrda "Habar" arnasynda prezidenttıkke kandidattar arasynda teledebat ötkızudı ūsyndy. Būl turaly 24 mamyrda ortalyq sailau komissiiasynda ötken jiynda aityldy.
OSK ökılı Läzzat Süleimen qazırgı kezde teledebatty ötkızu reglamentı qarastyrylyp jatqanyn aitty.
Qazaqstanda kezekten tys prezident sailauy 9 mausymda ötedı. Būl jolǧy sailau eldı otyz jylǧa juyq basqaryp, biyl nauryzda Qazaqstan prezidentı qyzmetınen ketken Nūrsūltan Nazarbaevtyŋ qatysuynsyz ötkelı otyr. Ötken aptada ortalyq sailau komissiiasy jetı adamdy prezidenttıkke kandidat retınde tırkegen:
- Sädı-Bek Tügel - "Ūly dala qyrandary" respublikalyq qozǧalysy;
- qazırgı prezident Qasym-Jomart Toqaev - "Nūr Otan" partiiasy;
- Amangeldı Taspihov - Qazaqstan käsıpodaqtar federasiiasy;
- Daniia Espaeva - "Aq jol" partiiasy,
- Töleutai Rahymbekov - "Auyl" partiiasy;
- Jambyl Ahmetbekov - "Qazaqstan komunistık halyq partiiasy";
- Ämırjan Qosanov - "Ūlt taǧdyry" qozǧalysy.
"Azattyq" radiosy
