28 qazan kún Túrkııa prezıdenti Erdoǵan Ystambul Atatúrik áýejaıynda Palestınany qoldaǵan jappaı sherýge qatysty. Minberden sóz alǵan ol Túrkııanyń Gaza sektoryndaǵy áreketterine baılanysty Izraıldi «áskerı qylmysker» dep resmı túrde jarııalaýǵa nıetti ekenin aıtty, dep habarlaıdy “Adyrna” ulttyq portaly.
Izraıl 22 kúnnen beri ashyq túrde áskerı qylmys jasap jatyr. Biz Izraıldi búkil álem aldynda áskerı qylmysker dep jarııalaımyz, - dedi Erdoǵan.
Túrkııa prezıdenti Rejep Taıyp Erdoǵannyń Palestına ulttyq ákimshiligin qoldaý mıtıngisinde jasaǵan málimdemelerinen keıin Izraıl Syrtqy ister mınıstri Elı Koen ızraıldik dıplomattarǵa Túrkııadan shyǵýǵa buıryq berdi.
Túrkııa tarapynan jasalǵan qatal málimdemeler aıasynda men Izraıl-Túrkııa qarym-qatynastaryn qaıta qaraý úshin dıplomatııalyq ókilderdi elge qaıtarýdy buıyrdym, - dep jazdy Koen X áleýmettik jelisinde (burynǵy Twitter).
